пентагон сәуди әрәбистанлиқ әскәрләрниң тәлим - тәрбийәсини тохтитип қойди

америка қошма иштатлири мудапиә министирлиқи – пентагон, америкиниң охшаш болмиған һәрбий базилирида тәлим – тәрбийә еливатқан сәуди әрәбистанлиқ әскәрләрниң мәшқлирини тохтитип қойғанлиқини уқтурди.

пентагон сәуди әрәбистанлиқ әскәрләрниң тәлим - тәрбийәсини тохтитип қойди

түркийә авази радийоси хәвири: америка мудапиә министирлиқиниң муавин министири дейвид норкуст бу һәқтә уқтуруш тарқитип, сәуди әрәбистанлиқ бир учқучиниң 6 – декабирда песакола деңиз армийә базисидики һуҗумидин кейин, дөләт тәвәликидә тәлим – тәрбийә еливатқан чәт әллик әскәрләрниң қайтидин тәкшүрүлүватқанлиқини қәйт қилди.

америкилиқ әмәлдарлар, америкидики һәрқайси базиларда җәмий 300 нәпәр сәуди әрәбистанлиқ учқучиниң тәлим – тәрбийә еливатқанлиқини әскәрткәниди.

сәуди әрәбистан һава армийәсиниң 21 йашлиқ  лейтинанти муһәммәд шамранниң, пенсаколадики 16 миңдин артуқ әскәр, 7400 мәмурий хадим ишләйдиған деңиз армийә базисиға қилған җүмә күнидики қораллиқ һуҗумида 3 адәм җенидин айрилған, 8 адәм йариланғаниди. һуҗумчи болса, хәвпсизлик күчлири билән тоқунуш җәрйанида өлгәниди.

һуҗумчиниң, вәқәдин бурунла иҗтимаий таратқо тори тивиттерда америка қошма иштатлирини исраилийәни қоллаш вә мусулманларға қарши туруш билән әйиблигәнлики илгири сүрүлгән, америка федератсийә тәкшүрүш идариси – FBI, вәқәгә террорлуқ һуҗуми дәп қарап тәкшүрүшкә башлиғанлиқини уқтурғаниди.



مۇناسىۋەتلىك خەۋەرلەر