teywen xongkongdiki namayishchilarni qollaydighanliqini élan qildi
teywen tashqi ishlar ministiri joséf wu xongkongdiki namayishchilarni qollap - quwwetleydighanliqini we xitay eger namayishlarni basturush üchün tengpungsiz küch ishletken teqdirde, rayondin qéchip chiqidighan namayishchilargha yardem qilidighanliqini éytti.
türkiye awazi radiyosi xewiri: joséf wu «Associated Press» xewer agéntliqigha bergen bayanatida, xitayning ichki ishigha arilishish niyiti yoqluqini tekitlep, teywen qanunining xongkong namayshchilirigha we teywende yashashni xalaydighanlargha kéreklik asanliqlarni yaritip béridighan alahidiliki barliqini bildürdi.
ministir joséf wu xongkong saqchilirining hetta zhurnalitslarghimu tengpungsiz küch ishletkenlikini bildürüp, eger xitay namayishlarda basturushni we qattiq qolluqni kücheytidighan bolsa, teywenning xongkongdin chiqip kétishni xalaydighanlargha nisbeten meydanini özgertelishi mumkinlikini tekitlidi we undaq ehwalda teywenning xelqara jamaetchilik bilen hemkarliship, xongkongni tashlap chiqip ketkenlerge yardem qilidighanliqini uqturdi.
ministir joséf wu yene mundaq dédi:
«kishiler xitayning xongkonggha tutqan pozitsiyesige qarap, kelgüside xitayning teywenge qandaq pozitsiye tutidighanliqini chüshünüp yétieleydu. xongkong weqeliri teywen xelqi teripidin anche ijabiy qarshi élinmaydu»
xewerde teywen hökmiti teripidin élan qilinghan bir ray sinash jedwilide xelqning texminen %80 ning xitay bilen birlishish pikrige qarshi ikenliki bildürüldi.
