йапонийә әскәрлириниң басқунчилиқиға учриған корейәлик айалларниң делоси тәкшүрүлмәктә

җәнубий корийәлик айаллар киши бешиға тәхминән 985 миң лира төләм тәләп қилмақта.

йапонийә әскәрлириниң басқунчилиқиға учриған корейәлик айалларниң делоси тәкшүрүлмәктә

түркийә авази радийоси хәвири: иккинчи дунйа уруши мәзгилидә йапонийә әскәрлириниң җәнубий корейәлик айалларға басқунчилиқ қилғанлиқи җәзмләштурүлди. 

җәнубий корейә хәвәр агентлиқи йунһапниң хәвәр қилишичә, 2017йили априлдин 2019йили март ейиғичә елип берилған тәкшүрүшләр нәтиҗисидә, җәнубий корейә айаллириниң басқунчилиққа учриғанлиқини испатлайдиған уруш мәзгилигә тәвә 23 һөҗҗәт байқалған.

хәвәрдә билдүрүлишчә, 1993йили йапонийә министирлар кабенти баш катиби йоһәй коно йапонийә әскәрлириниң мәзкүр вәқәләрни садир қилғанлиқини җәзмләштүрүп, наһәқчилиққа учриғучилардин кәчүрүм сориған.

җәнубий корейәдә йапонийә әскәрлириниң басқунчилиқиға учриған айалларға төләм төләш делосиға алақидар тунҗи сот алдинқи ай ечилған иди.

җәнубий корийәлик айаллар киши бешиға тәхминән 985 миң лира төләм тәләп қилмақта.

асаслиқ көп қисми корейә, филиппин, тайван вә башқа асийа дөләтлиридин болуп, тәхминән 200 миң айал 1910йилидин 1945йиллириғичә корейә йерим арилини ишғал қилған йапонийә әскәрлириниң басқунчилиқиға учриған иди. 

җәнубий корейә билән йапонийә басқунчилиққа учриған айалларға төләм төлиниши үчүн 2015йили келишим һасил қилишқан иди.

келишим даирисидә, җәнубий корейә билән йапонийә басқунчилиққа учриған корейәлик айаллар мәслиси һәққидә қәтий, өзгәрмәс шәкилдә қарар мақуллашқа келишкән иди.

йапонийә бу келишим даирисидә, һайат қалған айалларға төләм төләш үчүн мәхсус фонд қурған вә буниң бәдилигә җәнубий корейә буниңдин кейин бу мәсилидә йайонийәни әйибләйдиған сөз вә позитсийәләрдин узақ турушқа мақул болған иди.

 



مۇناسىۋەتلىك خەۋەرلەر