сәуди әрәбистанлиқ һәрбий оқуғучиниң америкадики һәрбий базиға қилған һуҗуми террорлуқму?

американиң флорида иштатида турушлуқ деңиз армийәсиниң һава армийә базиси пенсакола (Pensacola) ға җүмә күни қилинған һуҗумниң, «террорлуқ һуҗуми» дегән пәрәз асасида тәкшүрүлүватқанлиқи билдүрүлди.

сәуди әрәбистанлиқ һәрбий оқуғучиниң америкадики һәрбий базиға қилған һуҗуми террорлуқму?

түркийә авази радийоси хәвири: америка федератсийә тәкшүрүш идариси «FBI» ниң мәсули рачел л роҗас, буниңға охшайдиған нурғунлиған вәқәләрдикигә охшаш, бу вәқәниму «террорлуқ һуҗуми» дегән пәрәз асасида тәкшүрүшни давамлаштуруватқанлиқини ейтти.

һуҗум қилғучи сәуди әрәбистан һава армийәсигә тәвә 21 йашлиқ муавин офитсер муһәммәд алишамраниниң вәқә туғдуруштин қисқиғинә вақит илгири твитер һесабида американи тәнқид қилғанлиқи, исраилийәни қоллап - қуввәтләш вә мусулманларға дүшмәнлик қилиш билән әйибилигәнлики илгири сүрүлди. 

федератсийә тәкшүрүш идарси «FBI» мәсули рачел л роҗас вәқәдин кейин сәуди әрәбистанлиқ бир қоманданниң базидики оқуғучиларға буйруқ чүшүрүп, барлиқ оқуғучиларниң һәрбий базиниң четидә туруши керәкликини буйриғанлиқини ейтти һәмдә: «һуҗум қилғучиға йеқин нурғунлиған сәуди әрәбистанлиқ оқуғучилар бар. улар тәкшүрүштә йардәмчи болуватиду. сәуди әрәбисан һөкүмитиму бизни толуқ қуллаватиду» деди.

муһәммәд алишамраниниң һуҗумда филоридадин қанунлуқ һалда ситивалған «Glock» маркилиқ қорални ишләткәнлики билдүрүлди.

җүмә күни (2019-йили 6-декабир) 16 миңдин артуқ әскәр вә 7400 нәпәр мәмурий вәзипә өтәйдиған һава армийә базиси пенсаколада йүз бәргән қораллиқ һуҗумда 3 киши өлүп, 8 киши йаридар болған иди.

һуҗум қилғучи болса, аманлиқни сақлаш қисимлири билән йүз бәргән етишишта өлүк һалда қолға чүшкән иди. 

америкада һәрбий тәлим-тәрбийә үчүн 153 дөләттин 5000 дин артуқ чәт әллик оқуғучи бар болуп, буларниң ичидә 800 дин көпрәки сәуди әрәбистанлиқ оқуғучилардин тәшкил тапиду.  



مۇناسىۋەتلىك خەۋەرلەر