nato konféransi emeldin qalduruldi

türkiye awazi radiyosi xewiri: daniye atlantik kéngishining bash katipi lars bangért schu (Lars Bangert Struwe) yazma bayanat élan qilip, 2019-yili 10-dékabir paytext kopénhagénda ötküzüsh pilan qilinghan konféransning emeldin qaldurulghanliqini élan qildi.

u: «atlantik kéngishidiki tetqiqatchi stanléy slown (Stanley Sloan) pirézidént trampqa qarshi kishi idi. bu sir emes. feysbuk we twittérda egeshken hemme kishi bilidu. stanléy slownning bizning konféransimizda siyasiy bolmighan obyéktip söz qilishigha ishinettuq. slownmu bizge wede bergen idi. shunga, slownning söz qilghuchilar arisida bolushi üstide, ta amérika bash elchisi slownning söz qilishini emeldin qaldurushni telep qilghiche ching turduq» dédi.

bu heqtiki bayanatta, amérikaning kopénhagénda turushluq bash elchisi karla sends (Carla Sands) ning pirézidént trampqa qarshiliqi bilen tonulghan stanléy slownni ret qilghanliqi we bu sewebtin konféransning emeldin qaldurulghanliqi qeyt qilindi.

amérikaning kopénhagéndiki elchiianisining bu heqtiki bayanatida, konféransni orunlashturghuchi orunlardin bolghan elchixana bilen daniye atlantik kéngishining, konférans üchün keng nuqtiiynezerge ige bolghan söz qilghuchilar üstide kélishkenliki bildürüldi.

bayanatta: «stanléy slownning axirqi minutlarda söz qilghuchilar tizimlikige kirgüzülüshi, <konféransta söz qilidighanlarni birlikte belgilesh qarari> gha uyghun emes» déyildi.