хитай америка билән болған тор урушида, йеңи бир қәдәмни ташлиди

хитай һөкүмити барлиқ идарә - органларда ишлитиливатқан чәт әл йумталлири вә компийутер үскүнилириниң мушу 3 йил ичидә пүтүнләй елип ташлиниши керәкликини тәләп қилди.

хитай америка билән болған тор урушида, йеңи бир қәдәмни ташлиди

түркийә авази радийоси хәвири: «Financial Times» гезитиниң хәвәригә асасланғанда, америка билән хитай оттурисидики тор һуҗумида ташланған бу йеңи қәдәмниң мәқсити «HP», «Dell» вә «Microsoft» қатарлиқ америка маркилириға зәрбә бериш икән.

хәвәрдә, «хитай дөләт идарә- органлири, хитай маркиси «Lenovo» ни ишлитишкә йүзләнмәктә. бирақ, компийутерларниң ана мотор (мәркизий һәрикәтләндүргүч) чипи, қаттиқ детал вә йумталлири америка ширкәтлири тәрипидин ишләпчиқирилмақта» дейилди.

америкада, хитай техникисини ишлитишкә чәклимә қойған болуп, доналд трамп һөкүмити мушу йил (2019) ниң бешидин тартип америка ширкәтлириниң хитайниң телефон - телегираф ширкити хуавей (Huawei) билән сода қилишини мәни қилған иди.

май ейида «Google», «Intel» вә «Qualcomm» ширкәтлири хитайниң хуавей ширкити билән болған һәмкарлиқлирини тохтидиғанлиқини елан қилған иди.

хитайда чиқидиған «йәршари вақти гезити» ниң баш муһәррири ху шиҗин америка техника ширкәтлириниң хуавей билән һәмкарлиқни ахирилаштурушиниң хуавейға нисбәтән вәйран қилғуч тәсир көрсәтмәйдиғанлиқини, чүнки хитайниң бу тоқунушни узун йиллардин бери пиланлап келиватқанлиқини һәмдә өзлиригә тәвә компийутер ана моторчипи ишләпчиқиришқа йүзлинидиғанлиқини елан қилған иди.  

 

 

 


خەتكۈچ: америка , хитай

مۇناسىۋەتلىك خەۋەرلەر