amérika türkiyening teklipini qollidi

amérika qoshma ishtatliri türkiyening «yéngi chégra éghizi» tesis qilish teklipini qollidi.

amérika türkiyening teklipini qollidi

türkiye awazi radiyosi xewiri: amérika qoshma ishtatlirining birleshken döletler teshkilatida turushluq daimiy wekili kélli kraft xewpsizlik kéngishide kéngeshning dékabir éyi nöwetchi reisi bolush süpiti bilen élan qilghan bayanatida, süriyege chégra halqighan insanperwerlik yardem bérilishige 2014 – yildin buyan imkaniyet yaritip bériwatqan xewpsizlik kéngishi qararining bu yilning axirliri yéngilinishi lazimliqini, bu dairide süriyege chégra halqighan yardemler toghruluq türkiyening beshinchi «chégra éghizi» tesis qilish teklipini qollaydighanliqlirini tekitlep mundaq dédi: «aldimizdiki 12 ay boyiche bu yardem qararini qizghin qollaymiz. türkiyening teklipinimu qollaymiz. chünki bu barghanséri zoriyiwatqan insaniy éhtiyajlarni qamdash jehettin nahayiti zor ehmiyetke ige.»

melumatlargha qarighanda, süriyege chégra halqighan insanperwerlik yardem bérish imkaniyiti yaritip bériwatqan qararning mudditi bu yilning axirliri toshidiken. shunga insanperwerlik yardemlerning dawamlashturulushi üchün bu qararning mudditining birleshken döletler teshkilati xewpsizlik kéngishide uzartilishi shert iken.

qararning yéngilinishigha aldinqi yili ijabiy qarimighan rusiye bilen xitay wéto qilish hoquqini ishletmeslik bilen birlikte, awaz bérish hoquqidin waz kechken, buning netijiside qarar yéngilanghanidi.



مۇناسىۋەتلىك خەۋەرلەر