америка түркийәниң тәклипини қоллиди

америка қошма иштатлири түркийәниң «йеңи чегра еғизи» тәсис қилиш тәклипини қоллиди.

америка түркийәниң тәклипини қоллиди

түркийә авази радийоси хәвири: америка қошма иштатлириниң бирләшкән дөләтләр тәшкилатида турушлуқ даимий вәкили келли крафт хәвпсизлик кеңишидә кеңәшниң декабир ейи нөвәтчи рәиси болуш сүпити билән елан қилған байанатида, сүрийәгә чегра һалқиған инсанпәрвәрлик йардәм берилишигә 2014 – йилдин буйан имканийәт йаритип бериватқан хәвпсизлик кеңиши қарариниң бу йилниң ахирлири йеңилиниши лазимлиқини, бу даиридә сүрийәгә чегра һалқиған йардәмләр тоғрулуқ түркийәниң бәшинчи «чегра еғизи» тәсис қилиш тәклипини қоллайдиғанлиқлирини тәкитләп мундақ деди: «алдимиздики 12 ай бойичә бу йардәм қарарини қизғин қоллаймиз. түркийәниң тәклипиниму қоллаймиз. чүнки бу барғансери зорийиватқан инсаний еһтийаҗларни қамдаш җәһәттин наһайити зор әһмийәткә игә.»

мәлуматларға қариғанда, сүрийәгә чегра һалқиған инсанпәрвәрлик йардәм бериш имканийити йаритип бериватқан қарарниң муддити бу йилниң ахирлири тошидикән. шуңа инсанпәрвәрлик йардәмләрниң давамлаштурулуши үчүн бу қарарниң муддитиниң бирләшкән дөләтләр тәшкилати хәвпсизлик кеңишидә узартилиши шәрт икән.

қарарниң йеңилинишиға алдинқи йили иҗабий қаримиған русийә билән хитай вето қилиш һоқуқини ишләтмәслик билән бирликтә, аваз бериш һоқуқидин ваз кәчкән, буниң нәтиҗисидә қарар йеңиланғаниди.



مۇناسىۋەتلىك خەۋەرلەر