amérika bilen jenubiy koréye tinchliq söhbitini dawamlashturushni qararlashturdi

amérika qoshma ishtatliri pirézidénti donald tramp bilen jenubiy koréiye pirézidénti mon jain koréiye yérim arilida tinchliq söhbitini dawamlashturushni qararlashturdi.

amérika bilen jenubiy koréye tinchliq söhbitini dawamlashturushni qararlashturdi

türkiye awazi radiyosi xewiri: jenubiy koréye pirézidént mehkimisining bildürüshiche, mon jain bilen tramp 30 minutluq téléfon söhbiti élip barghan. téléfon söhbitide, ikki rehber,  koréiye yérim arilining weziyitining nahayiti jiddiyliki heqqide özara pikir almashturghan, hemde  shimaliy koréyeni yadro qorallirdin xaliy qilish nishanigha téz yétish üchün tinchliq söhbitini dawamlashturushni qararlashturghan.

melumatlargha qarighanda, amérika qoshma ishtatliri bilen shimaliy koréye otturisidiki yadro muzakiriliri féwraldin buyan dawamlashmaqta iken.

tramp bilen kim jongun tunji qétim 2018 – yili 12 – iyun küni singaporda bir yerge jem bolup, koréiye yérim arilini yadro qoralliridin xaliy qilish we uzaq mezgillik tinchliq ornitish mesiliside birdeklik hasil qilghanidi. ikki rehber 26 – 27 – féwral künliri wéytnamda yene bir qétim körüshken bolsimu, lékin uchrishish mölcherdikidinmu téz we netijisiz axirlashqanidi.



مۇناسىۋەتلىك خەۋەرلەر