иран дөләт телевизийәси бәзи намайишчиларниң сақчилар тәрипидин өлтүрүлгәнликини етирап қилди

иран дөләт телевизийәси намайишлар җәрйанида, аманлиқни сақлаш қисимлири тәрәпидин бәзи кишиләрниң өлтүрүлгәнликини етирап қилди.

иран дөләт телевизийәси бәзи намайишчиларниң сақчилар тәрипидин өлтүрүлгәнликини етирап қилди

түркийә авази радийоси хәвири: иран дөләт телевизийәси бензин баһасиниң өстүрүлишигә наразилиқ билдүрүш үчүн өткүзүлгән намайишлар җәрйанида, аманлиқни сақлаш қисимлири билән қоралиқ тоқунуш қилғанлиқи илгири сүрүлгән бәзи кишиләрниң өлтүрүлгәнликиниң тоғра икәнликини етирап қилди.

иран дөләт телевизийәсиниң әнглийәдин фарисчә тарқитилидиған телевизийә қаналлириниң намайишта ойниған ролиға алақидар хәвиридә, маһ шәһир, шираз вә бәһбәхан шәһәрлиридә «малиманчилар» дәп баһа берилгән бир гуруппа намайишчиниң сақчилар тәрипидин өлтүрүлгәнлики билдүрүлди.

иран дөләт телевизийәсиниң хәвиридә, «қораллиқ бөлгүнчи» гуруппиниң бәзи йолларни тосқанлиқи вә шәһәрдики нефит - хемийә завутиға кирип, завутни партлатмақчи болғанлиқи илгири сүрүлди.

хәвәрдә йәнә, «маһ шәһирдиму бир саәткичә қораллиқ <малиманчилар> тоқунуш башлатти.  бундақ вәзийәттә аманлиқни сақлаш қисимлири хәлқниң бихәтәрликини қоғдаш үчүн һәрикәткә өтти» дегән сөзләр ишлитилди. 

хәвәрдә тинч намайишларға қатнашқан бәзи пуқраларниң болса, кимлики намәлум гуманлиқ кишиләр тәрипидин етип өлтүрүлгәнлики илгири сүрүлди.

хәлқара кәчүрүм тәшкилати, намайиш җәрйанида аз дегәндиму 208 кишиниң җенидин айрилғанлиқини вә әслидә өлгәнләр саниниң тәхмин қилинғандинму көп икәнликини елан қилди.

хәлқара кәчүрүм тәшкилати тәрипидин елан қилинған йазма байанатта, бу өлүмләргә җавапкар кишиләрниң һесаб бериши керәклики билдүрүлүп, буниң үчүн хәлқара җамаәтчилик йардәмгә чақириқ қилинди.

американиң ембарголириниңму тәсиридә иқтисади җәһәттин еғир күнләрни баштин кәчүриватқан иран хәлқи, 15 – нойабирда бензин баһасиниң өстүрүлгәнлики җакарланғандин кейин, кәң – көләмлик намайиш башлиған иди.

иранниң нурғунлиған шәһәрлиридә 3 күнгичә давамлашқан намайишлар әснасида һөкүмәт биналири, банкилар вә май қачилаш понкитлири зийанға учритилған, һәмдә 7000 киши назарәткә елинған иди.

 


خەتكۈچ: намайиш , иран

مۇناسىۋەتلىك خەۋەرلەر