әрдоған нато башлиқлар йиғиниға иштирак қилиш үчүн әнглийәгә қарап йолға чиқти

җумһур рәис рәҗәп таййип әрдоған, шималий атлантик әһди тәшкилати – нато қурулғанлиқиниң 70 йиллиқини хатириләш мунасивити билән лондонда өткүзүлидиған нато башлиқлар йиғиниға иштирак қилиш үчүн бүгүн әнглийәгә қарап йолға чиқти.

әрдоған нато башлиқлар йиғиниға иштирак қилиш үчүн әнглийәгә қарап йолға чиқти

түркийә авази радийоси хәвири: әрдоған әнглийәгә қарап йолға чиқиштин илгири айродурумда байанат берип, дәвримизниң тәһдитлирини нәзәрдә тутуп, натода йеңилаш елип беришниң муқәррәр икәнликини тәкитлиди.

«русийә билән болған мунасивәтлиримиз, иттипақдашлиримиз билән болған мунасивәтлиримизниң орниға қойулмайду» дегән әрдоған, түркийәниң натониң ваз кечишкә болмайдиған бир шерики икәнликини қәйт қилди.

җумһур рәислик мәһкимиси учур – алақә ишлири идарисиниң билдүрүшичә, 3 – декабирдин 5 – декабирғичә әнглийәдә өткүзүлидиған нато башлиқлар йиғиниға түркийәдин җумһур рәис әрдоған билән бирликтә, ташқи ишлар министири мәвлүт чавушоғлу, хәзинә вә малийә ишлири министири бәрат албайрақ вә дөләт мудапиә министири хулуси ақар қатарлиқларму иштирак қилидикән.

йиғинда, нато земинлириға мунасивәтлик терроризмни өз ичигә барлиқ хәвп вә синақларға қарита бирлик вә һәмкарлиқ ичидә һәрикәт қилишниң әһмийити қатарлиқларниң тәкитләп өтүлүши пиланланмақта.

йиғинда йәнә, натониң нөвәттики хәвпсизлик шараитиға мас һәрикәт қилиш җәһәттә қолға кәлтүрүлгән илгириләшләрниңму муһакимә қилиниши, лидерларниң натониң 2020 – йилиға тәййар һаләткә кәлтүрүлүши үчүн тәклип бериши, йиғиндин кейин «лондон хитабнамиси» ниң елан қилиниши күтүлмәктә.

җумһур рәис әрдоғанниң йиғин даирисидә бир қисим ишитракчи дөләтләрниң дөләт вә һөкүмәт башлиқлири билән айрим көрүшүши пиланламақта؛ әрдоған йәнә, зийарәт мунасивити билән түркийә, әнглийә, фирансийә вә германийә рәһбәрлириниң төт тәрәп йиғиниға иштирак қилиду. йиғинда сүрийә, ливийә қатарлиқ районлуқ мәсилиләр музакирә қилиниду.

җумһур рәис әрдоған зийаритиниң ахирқи күнидә камберҗ җамәсини хизмәткә кириштүрүш мурасимиға қатнишиду.



مۇناسىۋەتلىك خەۋەرلەر