rusiye we beshshar esed hakimiyiti idlibqa hujum qildi

süriyede rusiye we beshshar esed hakimiyiti ayropilanlirining idlib jiddiychilikni peseytish rayonigha qilghan hawa hujumlirida alte kishi jénidin ayrildi, eng az dégende 20 kishi yarilandi.

rusiye we beshshar esed hakimiyiti idlibqa hujum qildi

türkiye awazi radiyosi xewiri: rusiye ayropilanliri tünügün (2-dékabir) idlib sheher merkizi bilen jenubidiki kefer sejne we hiraki yézilirini bombardiman qildi. bombardimanda, bir mehbus we bir mehbusning üch yéqin kishisi bolup töt kishi jénidin ayrildi, 20 kishi yarilandi.

beshshar esed hakimiyitining tünügün kechte sirman we kénéyés yézilirigha qilghan hujumlirida, ikki kishi jénidin ayrildi.

beshshar esed hakimiyitining ayropilanliri tünügün idlibning jenubidiki marratinnuman we serakib nahiyeliri, hulubbe, ruffa, sirman, kénayish, tél krisyan we berse yézilirini bombardiman qilghan idi. serakib nahiyesi we marratinnuman nahiyeliridiki bazar yerlirige qilinghan hujumlarda, 14 kishi jénidin ayrilip, 27 kishi yarilanghan idi.

2018-yili 17-séntebir türkiye bilen rusiye otturisida kélishim imzalanghandin buyan beshshar esed hakimiyiti we rusiyening idlib jiddiychilikni peseytish rayonigha qilghan hujumlirida 1300 din artuq kishi jénidin ayrildi. bu bir yil ichide hujum köp yüz bergen rayonlardin bir qeder jimjit rayonlargha, bolupmu türkiye chégra boylirigha yéqin jaylargha köchkenlerning sani 1 milyondin ashti.



مۇناسىۋەتلىك خەۋەرلەر