русийә вә бәшшар әсәд һакимийити идлибқа һуҗум қилди

сүрийәдә русийә вә бәшшар әсәд һакимийити айропиланлириниң идлиб җиддийчиликни пәсәйтиш райониға қилған һава һуҗумлирида алтә киши җенидин айрилди, әң аз дегәндә 20 киши йариланди.

русийә вә бәшшар әсәд һакимийити идлибқа һуҗум қилди

түркийә авази радийоси хәвири: русийә айропиланлири түнүгүн (2-декабир) идлиб шәһәр мәркизи билән җәнубидики кәфәр сәҗнә вә һираки йезилирини бомбардиман қилди. бомбардиманда, бир мәһбус вә бир мәһбусниң үч йеқин кишиси болуп төт киши җенидин айрилди, 20 киши йариланди.

бәшшар әсәд һакимийитиниң түнүгүн кәчтә сирман вә кенейес йезилириға қилған һуҗумлирида, икки киши җенидин айрилди.

бәшшар әсәд һакимийитиниң айропиланлири түнүгүн идлибниң җәнубидики марратиннуман вә сәракиб наһийәлири, һулуббә, руффа, сирман, кенайиш, тел крисйан вә бәрсә йезилирини бомбардиман қилған иди. сәракиб наһийәси вә марратиннуман наһийәлиридики базар йәрлиригә қилинған һуҗумларда, 14 киши җенидин айрилип, 27 киши йариланған иди.

2018-йили 17-сентәбир түркийә билән русийә оттурисида келишим имзаланғандин буйан бәшшар әсәд һакимийити вә русийәниң идлиб җиддийчиликни пәсәйтиш райониға қилған һуҗумлирида 1300 дин артуқ киши җенидин айрилди. бу бир йил ичидә һуҗум көп йүз бәргән районлардин бир қәдәр җимҗит районларға, болупму түркийә чегра бойлириға йеқин җайларға көчкәнләрниң сани 1 милйондин ашти.



مۇناسىۋەتلىك خەۋەرلەر