xewpsizlik kéngishi liwiyediki tereplerni derhal urush toxtitishqa chaqirdi

birleshken döletler teshkilati (b d t) xewpsizlik kéngishi, liwiyediki urushuwatqan tereplerni jiddiychilikni derhal peskuygha chüshürüp, urush toxtitishqa chaqirdi.

xewpsizlik kéngishi liwiyediki tereplerni derhal urush toxtitishqa chaqirdi

türkiye awazi radiyosi xewiri: b d t  xewpsizlik kéngishining ortaq bayanatida, liwiyede yéqinqi künlerdin buyan éghirliship ketken jiddiychiliktin chongqur qayghuruwatqanliqi eskertildi.

kéngeshning, b d t liwiye alahide wekili ghessan selamening liwiyediki kirizisqa chare tépish yolidiki tirishchanliqliri we xelqaraning bu sahediki qedemlerni qollaydighanliqi eskertilgen bayanatta, liwiyediki tereplerni jiddiychilikni derhal peskuygha chüshürüp urush toxtitishqa chaqirdi.

liwiyege yürgüzülüwatqan qoral émbargosigha xilapliq qilish qilmishliri we chet ellik yallanma eskerler sanining endishe yaritiwatqanliqi qeyt qilinghan bayanatta yene, barliq eza döletler b d t ning qoral émbargosigha boysunush we kirizisni téximu éghirlashturuwétidighan mudaxililerdin saqlinishqa chaqirildi.

liwiye, 2011 – yili aghduruwétilgen lidér muemmer qeddafining öltürülüshidin buyan dawamlishiwatqan ichki urush tüpeyli qanuniyliq kirizisigha sehne bolmaqta.

liwiyede xelqaraning étirap qilishigha érishken liwiye milliy birlik hökümiti eskerliri bilen général xelife hafterge qarashliq küchler arisida shiddetlik toqunushlar yüz bermekte.


خەتكۈچ: b d t , liwiye

مۇناسىۋەتلىك خەۋەرلەر