engliyede shertlik qoyup bérilgen bir térrorluq jinayetchisi qayta nazaretke élindi

engliyediki térrorluq hujumidin kéyin buningdin ilgirimu térrorluq jinayiti bilen qamaqqa höküm qilinip, shertlik halda qoyup bérilgen bir kishi qayt nazaretke élindi.

engliyede shertlik qoyup bérilgen bir térrorluq jinayetchisi qayta nazaretke élindi

türkiye awazi radiyosi xewiri: saqchilar 34 yashliq kishining sitok on térént shehiride nazaretke élinghanliqini élan qildi lékin kimliki heqqide melumat bermidi. 

saqchi mesulliri nazaretke élinghan kishining öyide tekshürüsh élip bérilghanliqini we bu nazaretke élishning london köwrüki hujumi bilen alaqisi yoqluqini éytti.

engliye bash weeziri boris jonson engliyede térrorluq bilen eybilinip qamaqqa höküm qilinghan 74 mehbusning qanungha binaen shertlik qoyup bérilidighanliqini élan qilghan idi.

londonda jüme küni 2 kishini öltürüp 3 kishini yaridar qilghan térroluq jinayetchisi 28 yashliq osman xanning 16 yil qamaqqa jazasigha höküm qilinghanliqi lékin muddettin ilgiri qoyup bérilgenliki otturigha chiqqan idi. 

osman xan jüme küni chüshtin kéyin saet 14:00 etrapida 5 kishige pichaq tiqqandin kéyin saqchilar teripidin étip öltürülgen idi. hujum qurbanliridin ikki kishi doxturxanida dawamlash ünüm bermey hayatidin ayrilghan idi.

saqchilar weqege «térrorluq» dep baha bergen hemde eslide térrorluq bilen eyiblengen mehbuslargha pisixliogiyelik xizmet ishleshke alaqidar konféranstqa osman xanningmu teklip qilinghanliqi we uning konfransta pichaq bilen hujum qilishni bashlap, zalining yénidiki london köwrükide dawamlashturghanliqi élan qilinghan idi.

saqchilar osman xanning yalghan ikenliki kéyin éniqlanghan partlatquchni kötürüwalghanliqini, eslide uning london muqimsiz mülük paychéki bazirigha hujum qilish pilanida oynighan roli sewebidin 16 yilliq qamaqqa höküm qilinghan biraq qanungha binaen muddettin burun qoyup béilgenlikini bildürgen idi.

osman xanning hujum esnasida putida saqchilar teripidin közitilish üchün taqap qoyulghan éléktironluq bileyzükning barliqi bildürülmekte.

 

 


خەتكۈچ: engliye

مۇناسىۋەتلىك خەۋەرلەر