xitay amérikagha émbargo yürgüzidighanliqini jakarlidi

xitay dairiliri amérikaning xongkong kishilik hoquq we démokratiye qanun teklipini testiqlighanliqigha jawaben, amérika herbiy paraxotlirining xongkong ziyaritini tonglitip qoyidighanliqlirini jakarlidi.

xitay amérikagha émbargo yürgüzidighanliqini jakarlidi

türkiye awazi radiyosi xewiri: xitay tashqi ishlar ministirliqi bayanatchisi xua chünying amérika palatasining her ikki qanitining testiqidin ötken xongkong kishilik hoquq we démokratiye qanun teklipining, eslide xongkongning ichki ishlirigha éghir derijide arilishiwalghanliq bolidighanliqini tekrarlidi.

xua chunying bu qanun teklipige jawaben, amérika herbiy paraxotliri we ayropilanlirining xongkongda ötküzidighan resmiy ziyaretlirini toxtitip qoyidighanliqi hemde yene, ammiwi teshkilatlardin, xongkong xelq démokratiye fondi jemiyiti, xelq démokratiye insitituti, xongkong kishilik hoquqni közitish teshkilati qatarliq xitay terep «xongkongda yéqindin buyan yaxshi ish qilmidi» dep baha bergen onlighan teshklatlarghimu xitayning émbargo yürgüzidighanliqini bildürdi.

amérika pirézidénti donald tramp aldinqi ayning axiri palataning her ikki qanitining testiqidin ötüp öz üstilige kelgen xongkong kishilik hoquq we démokartiye qanun teklipini testiqlighanliqini élan qilghan idi.

bu qanungha binaen, xongkongdiki namayshilarda namayishchilargha qilinghan zorwanliq we kishilik hoquq depsendichiliklirige mesul xitay emeldarlirigha émbargo yüzgüzülidu.

xongkongda iyun éyida gumandarlarni xitaygha qayturup bérsh qanun teklipige qarshi bashlanghan namayishlarda, yéqindin buyan zorawanliq qilish we namayishchilar bilen toqunushup qilish weqeliri köpiyip qalghan idi.

resmiy melumatlargha asaslanghanda, xongkongda iyun éyidin buyan 5000 din köprek namayishchi nazaretke élinghan. 

 

 


خەتكۈچ: xongkong , amérika , xitay

مۇناسىۋەتلىك خەۋەرلەر