хитай америкаға ембарго йүргүзидиғанлиқини җакарлиди

хитай даирилири американиң хоңкоң кишилик һоқуқ вә демократийә қанун тәклипини тәстиқлиғанлиқиға җавабән, америка һәрбий парахотлириниң хоңкоң зийаритини тоңлитип қойидиғанлиқлирини җакарлиди.

хитай америкаға ембарго йүргүзидиғанлиқини җакарлиди

түркийә авази радийоси хәвири: хитай ташқи ишлар министирлиқи байанатчиси хуа чүнйиң америка палатасиниң һәр икки қанитиниң тәстиқидин өткән хоңкоң кишилик һоқуқ вә демократийә қанун тәклипиниң, әслидә хоңкоңниң ички ишлириға еғир дәриҗидә арилишивалғанлиқ болидиғанлиқини тәкрарлиди.

хуа чунйиң бу қанун тәклипигә җавабән, америка һәрбий парахотлири вә айропиланлириниң хоңкоңда өткүзидиған рәсмий зийарәтлирини тохтитип қойидиғанлиқи һәмдә йәнә, аммиви тәшкилатлардин, хоңкоң хәлқ демократийә фонди җәмийити, хәлқ демократийә инсититути, хоңкоң кишилик һоқуқни көзитиш тәшкилати қатарлиқ хитай тәрәп «хоңкоңда йеқиндин буйан йахши иш қилмиди» дәп баһа бәргән онлиған тәшклатларғиму хитайниң ембарго йүргүзидиғанлиқини билдүрди.

америка пирезиденти доналд трамп алдинқи айниң ахири палатаниң һәр икки қанитиниң тәстиқидин өтүп өз үстилигә кәлгән хоңкоң кишилик һоқуқ вә демокартийә қанун тәклипини тәстиқлиғанлиқини елан қилған иди.

бу қанунға бинаән, хоңкоңдики намайшиларда намайишчиларға қилинған зорванлиқ вә кишилик һоқуқ дәпсәндичиликлиригә мәсул хитай әмәлдарлириға ембарго йүзгүзүлиду.

хоңкоңда ийун ейида гумандарларни хитайға қайтуруп берш қанун тәклипигә қарши башланған намайишларда, йеқиндин буйан зораванлиқ қилиш вә намайишчилар билән тоқунушуп қилиш вәқәлири көпийип қалған иди.

рәсмий мәлуматларға асасланғанда, хоңкоңда ийун ейидин буйан 5000 дин көпрәк намайишчи назарәткә елинған. 

 

 



مۇناسىۋەتلىك خەۋەرلەر