нигерийә армийәси боко һарамға зәрбә бәргәнликини уқтурди

нигерийә армийәси борно өлкисигә қарашлиқ дугури районида бокоһарам террорлуқ тәшкилатиға зәрбә бериш һәрикити елип барди.

1314865
нигерийә армийәси боко һарамға зәрбә бәргәнликини уқтурди

түркийә авази радийоси хәвири: ғәрбий африқа дөлити нигерийәниң шәрқий шималида елип берилған бокоһарам террорлуқ тәшкилатиға зәрбә бериш һәрикитидә тәшкилатниң 13 әзаси бир тәрәп қилинди.

нигерийә армийәси һәрбий һәрикәт байанатчиси амину илийасу мухбирларни күтүвелиш йиғини өткүзүп, борно өлкисигә қарашлиқ дугури районида боко һарам әзалириға зәрбә бериш һәрикити елип берилип, тәшкилатниң 13 әзасиниң бир тәрәп қилинғанлиқини, көп санда әзасиниң йаридар һаләттә қечип кәткәнликини билдүрди.

һәрикәт җәрйанида 4 әскәрниң йариланғанлиқини қәйт қилған илийасу, тәшкилатниң аптомобил, қорал вә оқ – дорилириниң қолға чүшүрүлгәнликини сөзлиригә илавә қилди.

буниңдин икки күн илигири армийәниң борно өлкисидә зәрбә бериш һәрикити елип берип, бокоһарамниң 9 әзасини бир тәрәп қилғанлиқи билдүрүлгәниди.



مۇناسىۋەتلىك خەۋەرلەر