ترامپ ئۆزىنىڭ كىرىشتۈرمە فوتو - سۈرىتىنى ئورتاقلاشتى

تۈركىيە ئاۋازى رادىيوسى خەۋىرى: پىرېزىدېنتلىققا سايلانغاندىن بۇيان تىۋىتتېر ئۇچۇرلىرى بىلەن كۈنتەرتىپتىكى ئورنىنى ساقلاپ كەلگەن ترامپ، يەنە بىر قېتىم غەلىتە بىر كىرىشتۈرمە فوتو – سۈرىتى بىلەن ئەگەشكۈچىلىرىنىڭ دىققىتىنى تارتتى.

پىرېزىدېنت ترامپ، رولىنى ئارتىس سايلۋېستېر ستالون ئوينىغان مەشھۇر روكي بالبوانىڭ گەۋدىسىگە ئۆز بېشى كىرىشتۈرۈلگەن بىر فوتو – سۈرەتنى ئورتاقلاشتى؛ ئۇنىڭ بۇ ئۇچۇرى قىسقا ۋاقىت ئىچىدە ئون مىڭلارچە كىشىنىڭ ياقتۇرۇشى ۋە ئورتاقلىشىشىغا ئېرىشتى، بەزىلەر ئۇچۇرنىڭ ئاستىغا «دونالد بالبوا» دەپ يازدى.

دونالد ترامپ بۇ فوتو – سۈرەتنى ئىنستېگرام ئادرېسىدىمۇ ئورتاقلاشتى.