yaponiyede her 10 shirketning birside ayallar égiz pashniliq ayagh kéyishke mejbur
yaponiyede élan qilinghan bir tetqiqat netijisige asaslanghanda, yaponiyediki her 10 shirketning birside ayallarning égiz pashniliq ayagh kéyishi mejburiy resmiyet iken.
türkiye awazi radiyosi xewiri: yaponiye ishchi uyushmiliri fédératsiyesi teripidin élip bérilghan tekshürüsh dairisidiki ray sinashqa qatnashqan 1000 kishidin 12 kishining kéyim – kéchek belgilimilirini «munasip emes» dep qaraydighanliqi otturigha chiqti.
ray sinasqa qatnashquchilarning %57 i kéyim - kéchek belgilimisi dégendek bezi cheklimilerge duchar bolghanliqini tilgha aldi. %8 i bolsa, ayallarning girim qilishiningmu mejburiy halgha keltürülgenlikini éytti.
yaponiyediki her 10 shirkettin birside ayallarning uzun pashniliq ayagh kéyishi mejburiy halgha keltürülgenliki bildürülgen tetqiqat netijiside yene, kéyim – kéchek belgilimilirining méhmanxana we réstorantlarda %87 giche ijra qiliidighanliqi, maliye we sighorta saheside bolsa, bu nisbetning %77 ikenliki qeyt qilindi.
yaponiyede bashqurghuchi salahiyitidiki ayallar nisbitining %13 ikenliki, er xadimlarning %11 ning shim kastom kéyishke mejbur bolidighanliqi oqturuldi.
yaponiye ishchi uyushmiliri fédératsiyesining bir mesuli «yaponiye waqti géziti» ge bergen bayanatida, erler we ayallar üchün ayrim ayrim kéyim – kéchek belgilimisi yolgha qoyushning jinsiy ayrimchiliq bolidighanliqini tekitlidi.
yaponyede ayallarning kéyim - kéchek belgilimiliri heqqide ammiwi teshkilatlar teripidin féwral éyida mexsus seperwerlikler bashlanghan idi. bu dairide, 31 mingdin artuq kishi kéyim – kéchek belgilimilirining emeldin qaldurulishi üchün bashlanghan imza toplash paaliyitige ishtrak qilghan idi.
bezi xojayinlarning ayallarni égiz pashniliq ayagh kéyishke mejburlishigha ayallar qarshi chiqqan bolup, yaponiye sehiye we emgek, mulazimet ishliri ministiri takumi némoto bolsa, ayallarning égiz pashniliq ayagh kéyishining tolimu munasip we kéreklik ish ikenliki heqqide pikir bayan qilghan idi.
yaponiyede bezi shirketlerning hetta ayal xadimlarning köz eynek taqishini telep qilghanliqi heqqidiki xewerlermu dölet miqyasida talash – tartish yaratqan idi.
