lawrow: amérika xelqaraning istiratégiyelik muqimliqini qesten buzmaqta

rusiye tashqi ishlar ministiri sérgéy lawrow amérikaning xelqaraning qurulmisi we istiratégiyelik muqimliqini qesten buziwatqanliqini éytti.

1308794
lawrow: amérika xelqaraning istiratégiyelik muqimliqini qesten buzmaqta

türkiye awazi radiyosi xewiri: rusiye tashqi ishlar ministiri sérgéy lawrow bélarusiye tashqi ishlar misnistiri wladimir makéy bilen paytext moskwada uchrashqandin kéyin, axbarat élan qilish yighini chaqirdi we yighinda amérika bilen shimaliy atlantik ehdi teshkilatining herbiy sahediki paaliyetliri üstide toxtaldi.

lawrow qorallarni kontirol qilish jehette ehwalning barghanche yamanlashqanliqini ima qilip: «amérika xelqaraning qurulmisini we istratégiyelik muqimliqini qesten buzuwatidu. ottura musapiliq yadro qoralliri ehdinamisini buzush arqiliq yirikchiliklerning téximu yuqiri örlishige seweb boldi» dédi.

lawrow rusiyening chégra rayonilirigha yéqin jaylarda, shimaliy atlantik ehdi teshkilatining herbiy we siyasiy asasiy qurlushini kücheytishke tirishiwatqanliqidin endishe qiliwatqanliqini  bildürdi.

amérika we yawropa ittipaqining öz béchimlichiliq bilen émbargolarni yürgüzgenlikini alahide tekitligen lawrow: «amérika we yawropa ittipaqi öz béshimchiliq bilen émbargolarni yürgüzüsh arqiliq birleshken döletler teshkilatining qararnamilirini ayaq- asti qilmaqta. öz aldigha chiqirilghan émbargolar özara ishenchke éghir ziyan yetküzmekte we yer shari iqtisadining tereqqiyatigha tosalghu bolmaqta» dédi.

ministir sérgéy lawrow 4 dölet rehberliri yighinining (gérmaniye, firansiye, rusiye ukraina) 9dékabirda ötküzülidighanliqini eskertip: «bu rehberler yighini üchün kéreklik sharaitlar shekillendi. bolupmu rehberler yighinigha sahibxanliq qilidighan firansiyening ukraina meslisidiki éniqsizliqni hel qilish üchün her türlük tirishchanliqlarni körsitishini ümid qilimiz» dédi.

lawrow ukrainaning sabiq pirézidénti pétro poroshénkoning 4 dölet rehberliri yighini formulasigha qarita maqullanghan qararlarni buzup tashilghanliqini tekitlep: «biraq, ukraina pirézidénti wladimir zélénsikiy teripidin qurulghan yéngi hökümet bilen uzun mezgildin buyan hel bolmay kéliwatqan meslilerni hel qilaliduq» dédi.


خەتكۈچ: #amérika , #lawrow

مۇناسىۋەتلىك خەۋەرلەر