polshada musulmanlargha qilinmaqchi bolghan chong hujum tosup qilindi
polshaning paytexti warshowada musulmanlargha xuddi yéngi zélandiyedikige oxshash chong hujum qilishni pilanlighan 2 kishi nazaretke élindi.
türkiye awazi radiyosi xewiri: polsha radiyosining xewirige asaslanghanda, polsha ichki bixeterlikni qoghdash idarisi «ABW» ning bayanatchisi sitanislaw zariyin musulmanlargha hujum qilishqa teyyarliq qiliwatqan ikki neper radikal ongchi polsha puqrasini yekshenbe küni nazaretke élish qarari maqullighanliqini étqan.
sitanislaw zariyin amanliqni saqlash etritining warshowadiki bir öyde élip barghan tekshürüshliri netijiside, qoral we oq – dorilardin bashqa yene, köp miqdarda partlatquch maddilarningmu qolgha chüshürülgenlikini bildürgen.
sitanislaw zariyin polsha ichki bixeterlikni qoghdash idarisi «ABW» ning gumandarlarni teqib qilghanliqini, mezkur ikki gumandarning 2011 – yilida 77 kishini öltürgen térrorchi andérs béhringg biréwik bilen mart éyida yéngi zélandiyening chiristchorch shehiridiki ikki jamede 51 musulmanni öltürgen térrorchi birénton tarratning térrorluq paaliyetlirini ülge élip, oxshash shekilde weqe tughdurmaqchi bolghanliqini qeyt qilghan.
nazaretke élinghan 2 neper polsha puqrasi qanunsiz qoral we partlatquch madda saqlash, partlatquch madda ishlepchiqirish, irqiy we diniy guruppilargha hujum qilishqa chaqiriq qilish jinayetliri bilen eyiblinip sotqa tartilidighan boldi.
مۇناسىۋەتلىك خەۋەرلەر
polsha: zéminimizgha yadro qorallirini orunlashturushqa teyyarmiz
polsha öz zéminigha yadro qorallirini orunlashturushqa teyyar ikenlikini bildürdi.
