linsiy giraham amérikada atalmish erméniy qirghinchiliqigha dair qanun teklipini tosup qaldi

türkiye awazi radiyosi xewiri: amérika palatasida démokratchilar palata ezasi bob ménéndéz atalmish ermen qirghinchiliqini resmiy étirap qilishni meqset qilghan bir qanun teklipini palata omumiy kéngishide awazgha qoyush teklipi sunghan idi. biraq, jumhuriyetchi palata ezasi linsiy giraham qarshi pikrini otturigha qoyush arqiliq awazgha qoyushni tosup qaldi.

linsiy giraham: «türkiye bilen erméniyening bir üstelge kélip, bu meslini (1915 – yil weqelirini) muzakire qilishini ümid qilimen. palata ezaliri tarixni qaytidin yazmasliqi we uni esli halitidin bashqiche qilip körsetmesliki lazim» dédi.

linsiy giraham ötmüshke qarap emes, türkiye – amérika munaiswetlirining kelgüsige qarap, bu teklipke qarshi turush qararigha kelgenlikini eskertti.

linsiy girahamning bu qararini élan qilishi, aqsarayda erdoghan bilen bezi jumhuriyetchi palata ezaliri qatnashqan yighindin bir qanche saet kéyin küntertipke kelgenliki hemmining diqqitini tartti.

amérika palatasida awazgha qoyulidighan qanun teklipini her qandaq bir palata ezasining qarshi pikir bildürüshi bilen tosup qalghili bolidu.

amérika awam palatasi bolsa, 29 – öktebirdiki awazgha qoyushta, 1915 - yilidiki ermen weqelirini «qirghinchiliq» dep étirap qilshni öz ichige alghan bir qarar teklipini qobul qilghan idi.