boliwiye armiyesi waqitliq pirézidéntni étirap qildi

boliwiyede armiye ishtab bashliqi wiliyamis kaliman (Williams Kaliman) we bashqa armiye qomandanliri kéngesh palatasining muawin bashliqi jénayné anéz (Jeanine Anez) ning pirézidént bolghanliqini étirap qilghanliqlirini élan qildi.

1306266
boliwiye armiyesi waqitliq pirézidéntni étirap qildi

türkiye awazi radiyosi xewiri: boliwiye pirézidénti éwo moralés (Evo Morales) ning istépa bérishke mejbur bolghanliqini we méksikadin siyasiy panahliq tiligenlikini xewer qilghan boliwiyening «Pagina Siete» tori, armiye ishtab bashliqi kaliman we qomandanlarning «özini waqitliq pirézidént» dep élan qilghan kéngesh palatasining muawin bashliqi jénayné anéz bilen körüshkenlikini élan qildi.

boliwiye armiye ishtab bashliqi we armiye qomandanliri körüshüshtin kéyin élan qilghan xitabnamide, jénayné anézning «waqitliq pirézidént» dep étirap qilinghanliqi qeyt qilindi.

boliwiye saqchi idarisining bashliqi yuri kaldéron (Yuri Calderon)  armiye bilen zich hemkarlashqan halda birlikte heriket qiliwatqanliqlirini bildürdi.

yene bir tereptin, öktichiler küchlük orunda bolghan santa kruz wilayitige qarashliq montéro we yapakani sheherliride dawamlishiwatqan namayishlarda, ikki kishi jénidin ayrildi. buning bilen, 400 din artuq kishi yarilanghan namayishlarda jénidin ayrilghan kishilerning sani toqquzgha chiqqan boldi.

moralésqa qarshi 70 künlük ish tashlighan doxturlar bolsa, nurghun jaylarda xizmitini bashlidi.

kan rayoni parotanida, tashyollarning qatnishi moralés terepdarliri kan ishchiliri teripidin tosuwétildi. gherb tereptimu moralésni qollaydighan kishiler rayondiki tashyollarning qatnishini tosup qoydi.

mezkur rayonlardiki namayishlar, argéntina we dölet ichidiki tebiiy gaz yetküzüshning aqsap qélishigha seweb bolmaqta.



مۇناسىۋەتلىك خەۋەرلەر