ghezze bügün yene bombardiman qilindi
israiliye armiyesi qorshawi astidiki ghezzege bügün etigende hawadin hujum qildi.
türkiye awazi radiyosi xewiri: hujumda ölgenlerning sani 11 ge yetti.
pelestin sehiye ministirliqi teripidin élan qilinghan yazma bayanatta, ghezzening ottura qisimlirigha jaylashqan deyr belah rayonida bir kishining shéhit bolushi bilen tünügündin béri israiliye qiliwatqan hujumlarda ölgenler sanining 11 ge we yaridar bolghanlar sanining 45 örligenliki bildürüldi.
islamiy jihad herikitining herbiy tarmiqi bolghan quddus partizanliri teripidin élan qilinghan bayanatta, bügün shéhit bolghan kishining quddus partizanliri rehberliridin birsi ikenliki bildürüldi. lékin shéhit bolghuchining kimliki heqqide melumat bérilmidi.
pelestin sehiye ministirliqi buningdin ilgiri élan qilghan bayanatida, israiliyening ghezzege qiliwatqan hujumlirida ölgenler sanining 10 gha yetkenlikini qeyt qilghan idi.
israiliye armiyesi tünügün élan qilghan bayanatida, ghezzening sherqidiki islamiy jihad herikitining herbiy tarmiqi «quddus partizanliri» ning aldinqi qatardiki rehberliridin baha ebul ataning öyini bombariman qilghanliqini we hujumda ebul ata bilen ayali esma ataning ölgenlikini jakarlighan idi.
