tramp: moralésning istépasi gherbiy yérim sharning démokratiyesi üchün muhim
amérika qoshma ishtatliri pirézidénti donald tramp, boliwiye pirézidénti éwo moralésning armiyening telipige asasen wezipisidin istépa bérishi toghrisida toxtilip, «moralésning istépasi gherbiy yérim sharning démokratiyesige nisbeten muhim bir weqedur» dédi.
türkiye awazi radiyosi xewiri: donald tramp bu heqtiki yazma bayanatida, boliwiye pirézidénti moralésning istépasining gherbiy yérim sharning démokratiyesige nisbeten muhim bir weqe ikenlikini eskertip, «14 yilgha yéqin dawamlashqan boliwiye asasiy qanuni we xelqining üstige chiqiwélishqa urunush herikitidin kéyin moralésning wezipisidin istépa bérishi démokratiyeni qoghdap qaldi we boliwiye xelqining sadasini anglitishi üchün yéngi bir yol achti» dédi.
«amérika qoshma ishtatliri boliwiye xelqini erkinlik telep qilghanliqi üchün we boliwiye armiyesini peqet birla ademning emes, boliwiye asasiy qanunini qoghdash wedisige wapa qilghanliqi üchün alqishlaydu» dégen donald tramp, boliwiyediki bu özgirishning wénézuéla we nikaraguadiki «qanunsiz tüzümler» ge nisbeten signalliq rolini oynaydighanliqini tekitlidi we sözini dawamlashturup, «nöwette pütünley démokratik, bayashat we erkin bir gherbiy yérim shargha yene bir qedem yéqinlashtuq» dégenlerni sözlirige ilawe qildi.
