amérika parizh kélimat kélishimidin chékinish üchün iltimas sundi

türkiye awazi radiyosi xewiri: amérika tashqi ishlar ministiri mayk pompéyo amérikaning parizh kilimat kélishimidin chékinish toghrisida iltimas sunghanliqi toghrisida bayanat élan qildi.

amérika tashqi ishlar ministiri mayk pompéyo bu heqte élan qilghan yazma bayanatida: «pirézidént tramp amérika xelqige, baj töligüchilerge we ularning xizmitige yükligen yük sewebidin parizh kilimat kélishimidin chékinshini qarar qildi» dédi.

mutexessisler amérikaning mezkur kélishimdin chékinishining, zörür tertipler sewebidin bir yilghiche sozulidighanliqini bildürdi.

pirézidént tramp 2017-yili 1-iyun aqsarayda élan qilghan axbarat élan qilish yighinida, amérikaning 190 din artuq dölet imzalighan parizh kilimat kélishimidin chékinidighanliqini uqturghan idi.

u kélishimning, «kilimat özgirishige qarshi küreshni emes, belki bashqa döletlerni amérikagha qarshi iqtisadiy jehettin artuqchiliqqa ige qilishni meqset qilghanliqi» ni ilgiri sürüp, buning amérika iqtisadida 3 tiriliyon dollar qimmitide ziyan körülüshige we 6.5 milyon kishining xizmitidin ayrilishigha seweb bolidighanliqini qeyt qilghan idi.

2015-yili dékabirda firansiye paytexti parizhda ötküzülgen 21-nöwetlik b d t kilimat özgirishi terepler konféransi (COP21) da imzalanghan kilimat kélishimini, 2016-yili aprélda 190 din artuq dölet testiqlighan idi.

amérikaning sabiq pirézidénti barak obama küchlük qollighan we bu heqtiki muzakirelerge bashchiliq qilghan kélishimning asasiy meqsiti, yer sharining otturiche témpératurasining éshish chékini mushu esirning axirighiche 1.5 gradustin 2 gradus arisida kontrol qilish, dep békitilgen idi.