ирақтики намайишларда өлгәнләр сани 63 кә йәтти

ирақниң пайтәхти бағдад вә җәнубидики шәһәрләрдә давамлишиватқан һөкүмәткә қарши намайишларда өлгәнләрниң сани 63 кә йәтти.

ирақтики намайишларда өлгәнләр сани 63 кә йәтти

түркийә авази радийоси хәвири: мустәқил алий кишилик һоқуқ комиссарлиқи йазма байанат елан қилип, «җүмә күни қайтидин башлинип кәткән намайишларда бағдадта 10, мәйсанда 14, зикарда 15, бәсрәдә 7, мусәннада 1, бабилда 4 вә диваниййәдә 4 киши җенидин айрилди. шундақ қилип, намайишларда өлгәнләр омумий сани 63 кә йәтти» дегәнләрни қәйт қилди.

байанатта, мәзкур намайишларда хәвпсизлик күчлирини қошқанда җәмий 2592 кишиниң йариланғанлиқи билдүрүлди.

ирақлиқлар, ишсизлиқ, йоқсузлуқ вә дөләт хизмәтлириниң йетәрсизликигә наразилиқ билдүрүш мәқситидә дөләтниң охшаш болмиған җайлирида намайиш өткүзмәктә. 1 – өктәбирдә һәрикәткә өткән намайишчилар, «әрбәийн» мурасимлири мунасивити билән тохтитип қойған намайишлирини түнүгүн қайтидин башлиди.

пайтәхт бағдадни өз ичигә алған дөләтниң оттура вә җәнубий шәһәрлиригә кеңәйгән намайишларда мушу айниң бешидин буйан 200 әтрапида адәм җенидин айрилди, 8 миңға йеқин адәм йариланди.


خەتكۈچ: намайиш , ирақ

مۇناسىۋەتلىك خەۋەرلەر