трамп: «наһайити чоң бир иш болди»

америка қошма иштатлири пирезиденти доналд трампниң «наһайити чоң бир иш болди» дегән учури күчлүк қизиқиш пәйда қилди.

трамп: «наһайити чоң бир иш болди»

түркийә аваи радийоси хәвири: америка қошма иштатлири пирезиденти доналд трампниң «наһайити чоң бир иш болди» дегән учури күчлүк қизиқиш пәйда қилди؛ даеш террорлуқ тәшкилати лидири әбубәкир бағдадиниң идлибта америка әскәрлириниң бир қетимлиқ зәрбә бериш һәрикитидә өлгән болуш еһтимали барлиқи илгири сүрүлди.

америка пирезиденти доналд трампниң тивиттер адреси арқилиқ тарқатқан «бир аз бурун наһайити чоң бир иш болди» дегән учури күчлүк қизиқиш қозғиди.

ақсарай, трамп мәзкур учурни тарқитип узун өтмәйла, трампниң бүгүн (түркийә вақти саәт 16:00 дә) «муһим бир байанат елан қилидиғанлиқи»ни уқтурди, бирақ байанатниң мәзмуни тоғрисида йип учи бәрмиди.

йәнә бир тәрәптин «һәптилик хәвәрләр журнили», пентагон әмәлдарлирини мәнбә қилған хәвиридә, трампниң өткән һәптә даеш террорлуқ тәшкилати лидири әбубәкир бағдадиға зәрбә беришни нишан қилған наһайити мәхпий бир һәрикәткә рухсәт қилғанлиқини вә бу һәрикәтниң ишқа ашурулғанлиқини илгири сүрди.

хәвәрдә көрситилишичә, пентагон әмәлдарлири сүрийәниң идлиб районида елип берилған мәзкур зәрбә бериш һәрикитидә бағдадиниң өлгәнликигә ишинидиғанлиқини, бирақ җәзмләштүрүш үчүн тәкшүрүш хизмәтлирини давамлаштуруватқанлиқини қәйт қилған.



مۇناسىۋەتلىك خەۋەرلەر