тәл абйадта мотосиклет бомба һуҗуми йүз бәрди

сүрийәниң түркийә чеграсидики тәл абйад наһийәси тағлиқ районидики бир базарда мотосиклет бомба һуҗуми йүз берип, 3 нәпири кичик бала болуп җәмий 5 пуқра йариланди.

тәл абйадта мотосиклет бомба һуҗуми йүз бәрди

түркийә авази радийоси хәвири: террорлуқ тәшкилати й п г / п к к дин азад қилинған тәл абйад наһийәсиниң җәнубий тағлиқ районидики әйн арус йезисидик базарда мотосиклет бомба һуҗуми йүз бәрди؛ партлашта йариланған 3 нәпири кичик бала болуп җәмий 5 пуқра, сүрийә миллий армийәси хадимлири тәрипидин әң йеқин җайдики сәһийә мәркизигә елип берилди.

партлаш әтраптики дукан вә аптомобилларға зийан йәткүзди. районға йетип барған сүрийә миллий армийәси хадимлири, һуҗумни й п г / п к к террорчилириниң садир қилған болуш еһтимали барлиқини қәйт қилди.

террорлуқ тәшкилати й п г / п к к, тәшкилатниң тинчлиқ булиқи һәрбий һәрикити районидин чекиниши тоғрисида түркийә билән америка қошма иштатлири арисида 17 – өктәбирдә келишим һасил қилинған болушиға қаримай, тәл абйад вә рәсуләйн наһийәлири билән әтрапидики җайларда һуҗум қилишни давамлаштурмақта.


خەتكۈچ: сүрийә

مۇناسىۋەتلىك خەۋەرلەر