америка сүрийәдики нефит мәнбәлирини қоғдаш пиланини түзмәктә

америкада җумһурийәтчи кеңәш палата әзаси линдзи граһам (Lindsey Graham) дөләт мудапиә министирлиқи (пентагон, бәш бурҗәклик бина) ниң сүрийәдики нефит мәнбәлирини қоғдиши үчүн пилан тәййарлиқида икәнликини билдүрди.

америка сүрийәдики нефит мәнбәлирини қоғдаш пиланини түзмәктә

түркийә авази радийоси хәвири: җумһурийәтчи кеңәш палата әзаси линдзи граһам ақсарайда америка дөләт мудапиә министири майк миллей (Mike Milley) ниң доклат бериш йиғиниға, тоққуз кеңәш палата әзаси билән қатнашти вә арқидин байанат елан қилди.

у: «сүрийәдики нефит мәнбәлири қоғдилиши керәк. иштаб башлиқи майк миллей сүрийәниң охшимиған районлиридики нефитниң даеш йаки иранниң қолиға чүшүп кетишиниң алдини алалайдиған пилан тәййарлимақта» деди.

у пиланға мунасивәтлик тәпсилий учурларни ашкарилимиди. әмма, америка таратқулирида тилға елиниватқан нефит мәшғулат районлириниң қоғдилиши үчүн 30 данә «абрамс» (Abrams) маркилиқ танкини өз ичигә алған еғир типлиқ қораллар билән қоралланған бир биригадиниң әвәтилидиғанлиқи илгири сүрүлди. әгәр мәзкур пилан әмәлгә ашса, районда русийә вә бәшшар әсәд һакимийитигә қарши американиң қорал күчидә муһим ешиш көрүлиду.

америка дөләт мудапиә министирлиқиниң бу һәқтики байанатида, министир марк еспер (MarkEsper) ниң даешқа қарши күрәшниң сүрийәдә давамлишиши тоғрисида пирезидент доналд трампқа зөрүр тәвсийәләрни қилғанлиқи қәйт қилинди.

америка таратқулири дөләт мудапиә министирлиқиниң дейризордики нефит райониға 30 танка вә бу һәрбий әслиһәләр билән бирликтә һәрбий хадимларни әвәтидиғанлиқини билдүрди.

америка пирезиденти доналд трамп твиттерда байанат елан қилип, даешниң сүрийәниң шәрқидики нефит районлирини қолға киргүзүвелишиға рухсәт қилмайдиғанлиқлирини әскәрткән иди.



مۇناسىۋەتلىك خەۋەرلەر