péns nutuqida xongkong we uyghur mesililirini tilgha aldi
amérika muawin pirézidénti mayk péns amérikaning xongkongdiki namayishlarni qollaydighanliqini bildürdi.
türkiye awazi radiyosi xewiri: amérika muawin pirézidénti mayk péns paytext washingtondiki wilson merkizining qurulush yili munasiwiti bilen ötküzülgen murasimda, amérika-xitay munasiwetliri üstide toxtaldi.
u xongkongda 2019-yili iyun éyidin bashlap toxtimay dawamlishiwatqan namayishlarni tilgha élip, xitayning xongkongdiki kishilerning heq-hoquqini we erkinlikini yuqiri nisbette chekligenlikini ilgiri sürdi.
u béyjing hökümitining yéqinqi bir qanche yilda xongkonggha arilishishni kücheytkenlikini eskertti we xongkongdiki namayishlargha xitab qildi. u mundaq dédi:
«amérika silerni qollaydu, silerdin ilham alidu. silerni zorawanliq tüsi almighan namayish yolida turushqa chaqirimiz.»
u xitay hökümitining milyonlarche musulman xelqinimu türmilerge solighanliqini tekitlidi we uyghur élidiki heriketlirini tenqid qildi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.