пенс нутуқида хоңкоң вә уйғур мәсилилирини тилға алди

америка муавин пирезиденти майк пенс американиң хоңкоңдики намайишларни қоллайдиғанлиқини билдүрди.

пенс нутуқида хоңкоң вә уйғур мәсилилирини тилға алди

түркийә авази радийоси хәвири: америка муавин пирезиденти майк пенс пайтәхт вашингтондики вилсон мәркизиниң қурулуш йили мунасивити билән өткүзүлгән мурасимда, америка-хитай мунасивәтлири үстидә тохталди.

у хоңкоңда 2019-йили ийун ейидин башлап тохтимай давамлишиватқан намайишларни тилға елип, хитайниң хоңкоңдики кишиләрниң һәқ-һоқуқини вә әркинликини йуқири нисбәттә чәклигәнликини илгири сүрди.

у бейҗиң һөкүмитиниң йеқинқи бир қанчә йилда хоңкоңға арилишишни күчәйткәнликини әскәртти вә хоңкоңдики намайишларға хитаб қилди. у мундақ деди:

«америка силәрни қоллайду, силәрдин илһам алиду. силәрни зораванлиқ түси алмиған намайиш йолида турушқа чақиримиз.»

у хитай һөкүмитиниң милйонларчә мусулман хәлқиниму түрмиләргә солиғанлиқини тәкитлиди вә уйғур елидики һәрикәтлирини тәнқид қилди.



مۇناسىۋەتلىك خەۋەرلەر