پېنس نۇتۇقىدا خوڭكوڭ ۋە ئۇيغۇر مەسىلىلىرىنى تىلغا ئالدى
ئامېرىكا مۇئاۋىن پىرېزىدېنتى مايك پېنس ئامېرىكانىڭ خوڭكوڭدىكى نامايىشلارنى قوللايدىغانلىقىنى بىلدۈردى.
تۈركىيە ئاۋازى رادىيوسى خەۋىرى: ئامېرىكا مۇئاۋىن پىرېزىدېنتى مايك پېنس پايتەخت ۋاشىنگتوندىكى ۋىلسون مەركىزىنىڭ قۇرۇلۇش يىلى مۇناسىۋىتى بىلەن ئۆتكۈزۈلگەن مۇراسىمدا، ئامېرىكا-خىتاي مۇناسىۋەتلىرى ئۈستىدە توختالدى.
ئۇ خوڭكوڭدا 2019-يىلى ئىيۇن ئېيىدىن باشلاپ توختىماي داۋاملىشىۋاتقان نامايىشلارنى تىلغا ئېلىپ، خىتاينىڭ خوڭكوڭدىكى كىشىلەرنىڭ ھەق-ھوقۇقىنى ۋە ئەركىنلىكىنى يۇقىرى نىسبەتتە چەكلىگەنلىكىنى ئىلگىرى سۈردى.
ئۇ بېيجىڭ ھۆكۈمىتىنىڭ يېقىنقى بىر قانچە يىلدا خوڭكوڭغا ئارىلىشىشنى كۈچەيتكەنلىكىنى ئەسكەرتتى ۋە خوڭكوڭدىكى نامايىشلارغا خىتاب قىلدى. ئۇ مۇنداق دېدى:
«ئامېرىكا سىلەرنى قوللايدۇ، سىلەردىن ئىلھام ئالىدۇ. سىلەرنى زوراۋانلىق تۈسى ئالمىغان نامايىش يولىدا تۇرۇشقا چاقىرىمىز.»
ئۇ خىتاي ھۆكۈمىتىنىڭ مىليونلارچە مۇسۇلمان خەلقىنىمۇ تۈرمىلەرگە سولىغانلىقىنى تەكىتلىدى ۋە ئۇيغۇر ئېلىدىكى ھەرىكەتلىرىنى تەنقىد قىلدى.
