daniye yuqiri soti türkiye elchixanisigha hujum qilghan töt kishining jazasini jezmleshtürdi

daniyening paytexti kopénhagéndiki türkiye elchixanisigha hujum qilghan térrorluq teshkilati p k k / p y d terepdari 4 kishining qamaq we chégradin qoghlap chiqirish jazaliri yuqiri sotning testiqidin ötti.

1294018
daniye yuqiri soti türkiye elchixanisigha hujum qilghan töt kishining jazasini jezmleshtürdi

türkiye awazi radiyosi xewiri: 2018 – yili martta türkiyening kopénhagéndiki elchixanisigha hujum qilghan térrorluq teshkilati p k k / p y d terepdari 4 kishi, kopénhagén sheherlik sot mehkimisining qamaq we chégradin qoghlap chiqirish jazasigha étiraz bildürüp sherqiy yuqiri sot mehkimisige erz sunghanidi.

yuqiri sot mehkimisi gumandarlarning étirazigha qarap chiqip, kopénhagén sheherlik sot mehkimisining 19 yash bilen 24 yash arisidiki 4 kishige bergen jazasini jezmleshtürdi.

türkiyening ötken yili süriyening afrin rayonida amanliqni kapaletke ige qilish meqsitide élip barghan zeytun shéxi herbiy herikitige naraziliq bildürgen p k k / p y d térrorluq teshkilatining süriyelik 4 terepdari, 2018 – 19 – mart seherde türkiyening kopénhagindiki elchixanisigha atesh topi bilen hujum qilghan؛ weqede adem ölüsh yaki yarilinish ehwali körülmigen bolsimu, elchixana binasi ziyankeshlikke uchrighanidi.

weqe üstide tekshürüsh élip barghan kopénhagén sheherlik sot mehkimisi 20 – féwralda hökümname élan qilip, gumandarlarning üchige 1 yil 9 ayliq, bir gumandargha bolsa bir yil 6 ayliq qamaq jazasi bergen we gumandarlarning qamaq jazaliri ijra qilinip bolghandin kéyin daniye chégrasidin qoghlap chiqirilishigha qarar qilghanidi.



مۇناسىۋەتلىك خەۋەرلەر