yaponiye impératori naruhito textke oltürdi

türkiye awazi radiyosi: yaponiye impératori naruhito paytext tokyodiki impértorluq sariyida ötküzülgen eneniwi murasim bilen yaponiyede «kasimpati» dep atilidighan impératorluq texti «takamikura» gha oltürdi. xanishi masamkomu resmiy halda «michodai» textige oltürdi.

murasimgha 190 dölet we xelqara organlardin 2000 gha yéqin kishi qatnashqan bolup, 59 yashliq impérotor naruhito: «dölet asasiy qanuni boyiche heriket qilidighanliqimgha, döletning we yaponiye xelqining birlikning sémwoli bolush süpitim bilen mesuliyetlirimni bijanidil orunlaydighanliqimgha wede qilimen» dédi.

textke oltürüsh murasimigha türkiyege wakaliten medeniyet we sayahet ishliri ministiri mehmet nuri ersoy ishtirak qildi.

naruhitoning dadisi salametlik ehwali sewebidin 30 – aprilda, 30 yilliq impératorluq textini oghligha boshutup bergen bolup, oghli naruhito 1 – mayda resmiy tapshurup alghan idi.

yaponiye hökümiti naruhitoning «takamikura» gha öltürüshi munasiwiti bilen dölet miqyasidiki 550 ming jinayetchige omumiy yüzlük kechürüm élan qilinghanliqini jakarlidi. 

jakarlanghan omumiy yüzlük kechürümning qatnash qaidilirige xilapliq qilghan we saylamda héle ishletken jinayetlerni öz ichige alidighanliqi uqturuldi.