chawushoghlu: nahayiti chong suyiqestlik pilanni tarmar qilduq
tashqi ishlar ministiri mewlüt chawushoghlu « herbiy herikiti» arqiliq nahayiti chong suyiqestlik pilanni tarmar qilghanliqlirini éytti.
türkiye awazi radiyosi xewiri: chawushoghlu xususiy bir téléwiziye qanilida küntertipke munasiwetlik soallargha jawab bergende, amérika qoshma ishtatliri bilen türkiye otturisida «<tinchliq buliqi> herbiy herikiti» mesiliside hasil qilinghan kélishim heqqide toxtilip mundaq dédi: «<tinchliq buliqi> herbiy herikitining nishani rayonni térrorchilardin tazilashtur. amérika qoshma ishtatliri bu rayondin p y d/y p g térrorchilirini 32 jenub kilométir jenub terepke chékindüridighanliqi toghruluq wede berdi. derweqe, térrorchilar bir tereptin chékinse, yene bir tereptin, türkiyege tajawuz qilishni dawamlashturuwatidu. 120 saet ichide hem barliq térrorchilarning chékingen bolushini hem bu rayonning qoral – yaraghlardin xaliy qilinghanliqini körüshni xalaymiz. nöwette herbiy heriket pütünley toxtitilghini yoq, türkiye qisimliriningmu chékingini yoq. amérika terepkimu, p y d/y p g üchünmu shuni jakarlawatimizki, héchkim boluwatqan ishlardin türkiyening xewiri yoq, bilelmeydu, dep oylap qalmasliqi kérek. pütkül basquchni yéqindin közitiwatimiz. eger p y d/y p g 120 saet ichide rayondin chékinmise, türkiye sahede tégishlik jawab qayturidu. kélishimning mezmunimu mushu. <tinchliq buliqi> herbiy herikiti arqiliq süriyening zémin pütünlüki qoghdiliwatidu. p y d/y p g térrorchilirining nishani bir térrorchilar döliti qurup chiqishtin ibaret bolup, weziyetke obdan nezer tashlighanda bu heqiqetni chüshinip yetkili bolidu. shuni alahide tekitlep ötimenki, <tinchliq buliqi> herbiy herikiti arqiliq nahayiti chong suyiqestlik pilanni tarmar qilduq.»
u, amérika qoshma ishtatliri pirézidénti donald trampning mektubigha munasiwetlik soalgha jawab bergende, trampning mektubigha «<tinchliq buliqi> herbiy herikiti» arqiliq inkas qayturulghanliqini, türkiyening mesililerge jiddiy qaraydighan bir dölet bolush süpiti bilen diplomatik qaide – yosunlargha mas kelmeydighan ishlarni qilmaydighanliqini tekitlep mundaq dédi: «bundaq bir mektupning orni qeyer? elwette exlet sanduqidur.»
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.