tramp amérika dölet téléwziyesining türkiye heqqide yalghan körünüshlerni tarqatqanliqini eyibldi

türkiye awazi radiyosi xewiri: amérika pirézidénti donald tramp amérikaning nopuzluq xewer qanili «ABC» ning qoral tontish esnasida amérikada singha élinghan küchlük partlash körünüshlirini xuddiy türkiyening tinchliq buliqi herikiti jeryanida singha élinghandek körsitishige qarita «éghir shermendichilik» dep baha berdi.

gherb taratqulirida türkiyening jenubiy chégrasidiki térrorluq karidorini yoqitip, rayonda tinchliq we xatirjemlikni berpa qilish üchün bashlighan tinchliq buliqi heriikitige qarshi tetür teshwiqatlar dawamlishiwatqan bir peytte, donald tramp «ABC» qanilining qoral tontish esnasida singha élinghan körünüshlerni xuddiy heriket jeryanida singha élinghandek xewer qilishigha naraziliq bildürdi.

donald tramp twittér hsabidin élan qilghan bayanatida: «ABC News  qanilida chong shermendichilik. türklerning süriyede bombardimanchiliq qilghanliqini namayan qilidighan ajayip qorqunchluq saxta bir körünüshni élan qilip tutulup qaldi. toluq menisi bilen éghir shermendichilik» dédi. 

amérika döletlik xewer qanili «ABC» qoral tunushturush jeryanida singha élinghan küchlük partlashlarning körünüshlirini xuddiy tinchliq herikiti jeryanida singha élinghandek bir shekilde xewer qilghan idi.

xewerde ishlitilgen körünüshler eslide amérikada 2017 – yilida élip bérilghan bir qétimliq qoral tonushturush jeryanida singha élinghan bolup, «ABC» qanilining bu körünüshlerni xewer qilishtin ilgiri singha mexsus özgertish kirgüzüp, esli körünüshni yanfon bilen singha alghan kishlernimu wédiodin yuyup chiqiriwetkenliki ashkarilanghan idi.

bu ish ashkarilanghandin kéyin «ABC» qanili élan qilghan bayanatida, «süriye chégrasida» déyilgen körünüshler heqqide guman tughulghandin kéyin, xewerni öchürüwetkenlikini we bu xataliqigha pushayman qilghanliqini jakarlighan idi.