xongkongda 3 kün ichide 201 namayishchi tutqun qilindi

türkiye awazi radiyosi xewiri: «Kyodo» agéntliqining xewirige asaslanghanda, xongkong saqchiliri teripidin élan qilinghan bayanatta, jüme künidin yekshenbe künigiche bolghan 3 künlük namayish jeryanida lükchelkik we bashqa her xil jinayetler shundaqla maska tashqashni cheklesh qanungha boysunmasliq bilen eyiblengen jemiy 201 kishining nazaretke élinghanliqi bildürülgen.

xongkongning tiséung kiwan rayonidiki namayishlarda bezi qara maska taqiwalghan namayishchilarning 2 neper puqrache kéyingen saqchining béshigha qanchilighan qétim qattiq jisimlarni atqanliqi, pütün rayon miqyasidiki bu qétimqi namayishlarda bir qism namayishchilarning bezi dukkan we métro istansilirigha ziyan yetküzüsh xaraktérlik hujumlarni qilghanliqi hemde nurghun jaylargha ot qoyghanliqi ilgiri sürüldi.

bayanatta, héchqandaq zorwanliq weqelirige yumshaq muamile qilinmaydighanliqi tekrarlinip, «saqchilar isyanchilarning qanun we jemiyet tertipini pütünley körmeske salghan, zorawanliq xaraktérliq lükcheklerche paaliyetlirini qattiq eyibleydu» dédi.

xongkong hökümiti élan qilghan bayanattimu, xelqining bixeterlikige tehdit salghan we jemiyetning muqimliqini buzghan namayishlargha qatnashquchilarni qattiq eyibleydighanliqi tekitlendi.

doxturxana tizimlikige asaslanghanda, aldinqi künidiki namayish jeryanida 14 yashtin 73 yashqiche bolghan we saqchilarnimu öz ichige alghan, eng az dégendimu 73 kishi yaridar bolghan. bulardin 6 kishining ehwalining intayin éghir ikenliki qeyt qilinghan.