amérika xitaygha yürgüzidighan qoshumche tamozhna béjini tonglitip qoydi
amérika qoshma ishtatliri xitaydin import qilinidighan téxnologiyelik mehsulatlardin qoshumche tamozhna béji élinishini kéchiktürüshni qararlashturdi.
türkiye awazi radiyosi xewiri: amérika qoshma ishtatliri pirézidénti donald tramp 15 – öktebirdin bashlap ijra qilinishi pilanliniwatqan, xitaydin import qilinidighan 250 milyard dollarliq téxnologiyelik mehsulatlardin qoshumche tamozhna béji élinishining tonglitip qoyulghanliqini uqturdi.
tramp xitay muawin bash ministiri lyu xé bashchiliqidiki heyet bilen ötküzülüwatqan söhbettin kéyin aqsarayda élan qilghan bayanatida, ikki dölet hasil qilghan kélishim dairiside yilliq 250 milyard dollarliq xitay mehsulatliridin élinidighan qoshumche tamozhna béjini % 25 tin % 30 ke chiqirish nishan qilinghan pilanni kéchiktürüsh qararlashturulghanliqini bildürdi, kélishim dairiside xitay terepning amérika qoshma ishtatliridin yiligha 40 – 50 milyard dollarliq yéza igilik mehsulatlirini import qilishni, pikriy mülkiyet hoquqlirini qoghdashni, pul – muamile mulazimiti, péréwot nisbiti qatarliq mesililerde öz pilanidin waz kéchishni qobul qilghanliqini eskertti.
kélishimning 15 – öktebir künidin bashlap ijra qilinishi pilanlanghan we 160 milyard dollar qimmitiiki ékisport mehsulatliridin élinidighan qoshumche tamozhna béjini östürüshni öz ichige almaydighanliqi, tereplerning bu heqte dawamliq söhbet ötküzidighanliqi qeyt qilindi.
