помпийо: түркийәниң җәнубида террор тәһдити бар

америка қошма иштатлири ташқи ишлар министири майк помпейо, түркийәниң сүрийәниң шималида башлиған бариш пинари (тинчлиқ булиқи) һәрбий һәрикити тоғрисида тохталди.

помпийо: түркийәниң җәнубида террор тәһдити бар

түркийә авази радийоси хәвири: америка қошма иштатлири ташқи ишлар министири майк помпейо, түркийәниң җәнубий чеграсида шәкилләндүрүлмәкчи болған террор каридорини йоқитип ташлаш, районда тинчлиқ вә хатирҗәмлик орнитиш мәқситидә башлиған бариш пинари (тинчлиқ булиқи) һәрбий һәрикити тоғрисида тохтилип, «түркийәниң йоллуқ хәвпсизлик әндишилири бар. җәнубида террор тәһдити бар» деди.

министир майк помпейо америкиниң PBS телевизийә қанилиниң диктори җудй вудруфниң түркийәниң сүрийәниң шималида давамлаштуруватқан бариш пинари һәрбий һәрикити тоғрисидики соалиға җаваб берип, «түркийәниң йоллуқ хәвпсизлик әндишилири бар. җәнубида террор тәһдити бар. биз америка қошма иштатлириниң нишанлирини йақлиған һалда сүрийәдә даеш террорлуқ тәшкилати хәвпигә қарши күрәш қиливатқанда террорчиларниң түркийәдики инсанларни һуҗум нишани қилмаслиқи үчүн қолимиздин кәлгән ишларни қилдуқ. мушундақ қилишни давамлаштуримиз» деди.

америкиниң даеш террорлуқ тәшкилатиниң сүрийәдин тазилиниши үчүн көп тәрәплимилик һәрикәт елип берип нишаниға йәткәнликини билдүргән помпийо, бу ирадиниң давамлишидиғанлиқини сөзлиригә илавә қилди.



مۇناسىۋەتلىك خەۋەرلەر