تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

téhran riyad bilen söhbet ötküzüshning aldinqi shertini élan qildi

iran tashqi ishlar ministiri muhemmed jewad zerif, seudi erebistan bilen «rayongha alaqidar mesililerni herbiy charilerge tayinip emes, siyasiy yollar bilen hel qilishni tallighan teqdirde» körüshüshlirining mumkinlikini éytti.

téhran riyad bilen söhbet ötküzüshning aldinqi shertini élan qildi

türkiye awazi radiyosi xewiri: muhemmed jewad zerif iran parlaménti xewer agéntliqining «seudi erebistan text warisi shahzadisi muhemmed bin selmanning iran bilen körüshüsh üchün iraq we pakistanning muresseleshtürgüchi bolushini telep qilghanliqi» toghrisidiki soaligha  «iran bilen körüshüshke qiziqiwatqan seudiylar, rayonning saqliniwatqan mesililirini qan töküsh arqiliq emes, söhbet üstili arqiliq hel qilishqa tirishsa, iran ularning yénida turidu» dep jawab berdi.

iran pirézidénti hesen ruhanining besre qoltuqi döletliri arisida diyalog muhiti yaritishni meqset qilghan «hurmuz tinchliq layihesi» teklipinimu xatirilitip ötken zerif, dölitining rayon döletliri bilen hemkarliq ornitishqa teyyar ikenlikini qeyt qildi.

seudi erebistan text warisi shahzadisi muhemmed bin selman buningdin burun bayanat bérip, téhran bilen riyad arisidiki saqliniwatqan mesililerni siyasiy we tinch usulda hel qilishning herbiy charilerge tayinip hel qilishtin yaxshi bolidighanliqini éytqanidi.

xelqara taratqularning xewerliride, iraqningmu iran we seudi erebistan arisida muresseleshtürgüchilik rolini oynash üchün küch chiqiriwatqanliqi eskertilmekte.

pakistan bash ministiri imran xanmu ötken ay birleshken döletler teshkilati (b d t) ning 74 – nöwetlik omumiy kéngishi bashliqlar yighinigha ishtirak qilish üchün barghan nyu yorkta hem amérika pirézidénti donald tramp, hem seudi erebistan text warisi shahzadisi muhemmed bin selmanning özidin iran bilen riyad arisidiki soghuqchiliqni hel qilish üchün muresseleshtürgüchilik rolini oynishini telep qilghanliqini bildürgenidi.


خەتكۈچ: söhbet , seudi erebistan , iran

مۇناسىۋەتلىك خەۋەرلەر