تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

теһран рийад билән сөһбәт өткүзүшниң алдинқи шәртини елан қилди

иран ташқи ишлар министири муһәммәд җәвад зәриф, сәуди әрәбистан билән «районға алақидар мәсилиләрни һәрбий чариләргә тайинип әмәс, сийасий йоллар билән һәл қилишни таллиған тәқдирдә» көрүшүшлириниң мумкинликини ейтти.

теһран рийад билән сөһбәт өткүзүшниң алдинқи шәртини елан қилди

түркийә авази радийоси хәвири: муһәммәд җәвад зәриф иран парламенти хәвәр агентлиқиниң «сәуди әрәбистан тәхт вариси шаһзадиси муһәммәд бин сәлманниң иран билән көрүшүш үчүн ирақ вә пакистанниң мурәссәләштүргүчи болушини тәләп қилғанлиқи» тоғрисидики соалиға  «иран билән көрүшүшкә қизиқиватқан сәудийлар, районниң сақлиниватқан мәсилилирини қан төкүш арқилиқ әмәс, сөһбәт үстили арқилиқ һәл қилишқа тиришса, иран уларниң йенида туриду» дәп җаваб бәрди.

иран пирезиденти һәсән руһаниниң бәсрә қолтуқи дөләтлири арисида дийалог муһити йаритишни мәқсәт қилған «һурмуз тинчлиқ лайиһәси» тәклипиниму хатирилитип өткән зәриф, дөлитиниң район дөләтлири билән һәмкарлиқ орнитишқа тәййар икәнликини қәйт қилди.

сәуди әрәбистан тәхт вариси шаһзадиси муһәммәд бин сәлман буниңдин бурун байанат берип, теһран билән рийад арисидики сақлиниватқан мәсилиләрни сийасий вә тинч усулда һәл қилишниң һәрбий чариләргә тайинип һәл қилиштин йахши болидиғанлиқини ейтқаниди.

хәлқара таратқуларниң хәвәрлиридә, ирақниңму иран вә сәуди әрәбистан арисида мурәссәләштүргүчилик ролини ойнаш үчүн күч чиқириватқанлиқи әскәртилмәктә.

пакистан баш министири имран ханму өткән ай бирләшкән дөләтләр тәшкилати (б д т) ниң 74 – нөвәтлик омумий кеңиши башлиқлар йиғиниға иштирак қилиш үчүн барған нйу йоркта һәм америка пирезиденти доналд трамп, һәм сәуди әрәбистан тәхт вариси шаһзадиси муһәммәд бин сәлманниң өзидин иран билән рийад арисидики соғуқчилиқни һәл қилиш үчүн мурәссәләштүргүчилик ролини ойнишини тәләп қилғанлиқини билдүргәниди.



مۇناسىۋەتلىك خەۋەرلەر