пентагон: түркийә әскәрлириниң һәрбий һәрикәт йолидин чекиндуқ

америка мудапиә министирлиқи –пентагон байанатчиси җонатан хофман байанат берип, «сүрийәниң шималидики америка әскәрлириниң бихәтәрликини капаләткә игә қилиш үчүн түркийәниң елип барғуси һәрбий һәрикәт йолидин чекиндуқ» деди.

пентагон: түркийә әскәрлириниң һәрбий һәрикәт йолидин чекиндуқ

түркийә авази радийоси хәвири: байанатчи җонатан хофман пирезидент доналд трампниң, түркийәниң елип барғуси һәрбий һәрикитидин илгири сүрийәниң шималидики бәзи җайлардин америка әскәрлирини чекиндүрүш қарари тоғрисида пентагон билән мәслиһәтләшмигәнлики тоғрисидики хәвәрләргә наразилиқ билдүрүп, «чиққан хата хәвәрләрниң әксичә, пирезидент, түркийәниң һәрбий һәрикитидин илгири сүрийәниң шималидики вәзийәт вә америка әскәрлирини муһапизәт қилиш тиришчанлиқлири тоғрисида министир (марк) еспер вә армийә баш иштаб башлиқи (генерал – полковник марк) миллей билән бу һәқтә мәслиһәтләшти» дегәнләрни қәйт қилди.

хофман мундақ деди: «министирлиқ, муқимлиқни сақлаштики әң йахши йолниң сүрийәдә бихәтәр район бәрпа қилиш икәнлики тоғрисидики позитсийәдә һазирму чиң турмақта. әпсуски түркийә бир тәрәплимә һалда қәдәм ташлаш йолини таллиди. хуласилигәндә, сүрийәниң шималидики америка әскәрлириниң бихәтәрликини капаләткә игә қилиш үчүн түркийәниң елип барғуси һәрбий һәрикәт йолидин чекиндуқ. нөвәттә сүрийәдики һәрбий мәвҗудийитимиздә бир өзгириш йоқ.»



مۇناسىۋەتلىك خەۋەرلەر