доналд трампни вәзиписидин елип ташлаш һәрикитиниң қаидиләргә уйғун болмиғанлиқи билдүрүлди

америкида ақ сарай даирилири пирезидент доналд трампқа қарита башлитилған вәзиписидин елип ташлаш басқучида орун алмайдиғанлиқини елан қилди.

доналд трампни вәзиписидин елип ташлаш һәрикитиниң қаидиләргә уйғун болмиғанлиқи билдүрүлди

түркийә авази радийоси хәвири: ақ сарай ахбарат ишханиси тәрипидин елан қилинған байанатта, авам палатаси башлиқи нансий пелоси вә авам палатадики башқа демократчиларға мәктуп йолланғанлиқи әскәртилди.

мәктупта, демократчилар тәрипидин баштилған доналд трампни вәзиписидин елип ташлаш һәрикитидә дөләт асасий қануниниң мунасивәтлик қаидә - түзүмлиригә бинаән йол тутулмиғанлиқи әскәртилди вә демокартчиларниң доналд трампни вәзиписидин елип ташлаш һәркитини башлаш үчүн авам палатасида рәсмий аваз бериш паалийити елип бармиғанлиқи шундақла пелосиниң алдинқи ай бу тәкшүрүшни җакарлаш үчүн чақирған ахбарат елан қилиш йиғининиңму доналд трампни вәзиписидин елип ташлаш һәрикитини башлаш үчүн йетәрлик әмәслики тәкитләнди.

мәктупта, «пирезидент доналд трамп вә һөкүмити силәрниң демократик басқучни тәтүр өрүш үчүн көрсәткән асассиз вә дөләт асасий қануниға зит тиришчанлиқлириңларни рәт қилиду. америка хәлқигә, дөләт асасий қануниға, иҗраийә органлириға вә бу дөләтниң кәлгүси пирезидентлириға қарита өз вәзиписини ада қилиш үчүн пирзедент трамп вә һөкүмити бундақ шараит астида силәрниң партийәпәрәс вә дөләт асасий қануниға зит һалда перезинтлиқ вәзиписини әмәлдин қалдуруш тәкшүришиңларға қатнашмайду» дегәнләргә орун берилди.

йәнә бир тәрәптин пирезидентлиқ вәзиписини әмәлдин қалдуруш һәркити даирисидә, авам палатаси американиң йавропа иттипақи баш әлчиси гордо сондландни байаннамә беришкә чақирған болуп, бирақ америка ташқи ишлар министирлиқи әлчигә мәхсус буйруқ чүшүрүп, байаннамә беришкә бармаслиқи лазимлиқини буйриған иди.

авам палатаси истихбарат комитети башлиқи адам сичиф америка ташқи ишлар министирлиқиниң бу буйриқиға наразилиқ билдүрди.

адам сичиф американиң йавропа иттипақи баш әлчиси гордо сондландниң доналд трамп вә украина пирезиденти виладимир зеленсикий оттуриисида өткүзүлгән телефон сөһбитигә алақидар сәзгүр мәлуматларға игә икәнликини вә украиналиқ мәсуллар билән өзи отторисидики қисқа учурларғиму игә икәнликини билдүргән.

адам сичиф бу мәлуматларниң доналд трампни вәзиписидин елип ташлаш һәрикитигә нисбәтән муһим дәлил болидиғанлиқини илгири сүрүп, «бу гуваһчи вә мәзкур қисқа учурлар һөкүмәт билән тәң һоқуққа игә палатаға тапшурулмаслиқиниң өзила дөләт асасий қануниниң иҗра қилинишиға тосқунлуқ қилиниватқанлиқиниң күчлүк пакитидур» дегән иди. 



مۇناسىۋەتلىك خەۋەرلەر