b d t xewpsizlik kéngishigha eza 5 dölet shimaliy koréyege jiddiy chaqiriq élan qildi

birleshken döletler teshkilati xewpsizlik kéngishi engliye, gérmaniye we firansiyening telipige binaen yépiq yighin chaqirdi we shimaliy koréyening balistik bashqurulidighan bomba sinaqlirini muzakirileshti.

b d t xewpsizlik kéngishigha eza 5 dölet shimaliy koréyege jiddiy chaqiriq élan qildi

türkiye awazi radiyosi xewiri: birleshken döletler teshkilati xewpsizlik kéngishige shundaqla yawropa ittipaqigha eza 5 dölet, (engliye, gérmaniye, firansiye, bélgiye we polsha) shimaliy koréyege jiddiy chaqiriq élan qilip, yadro qoralsizlinish we bashqurulidighan bomba pirogrammiliridin waz kéchishke dair konkrét qedemlerni tashlishi lazimliqini bildürdi. 

yéghindin kéyin yawropa ittipaqigha eza 5 dölet, engliye, gérmaniye, firansiye, bélgiye we polsha teripidin élan qilinghan ortaq bayanatta, shimaliy koréyening balistik bashqurulidighan bomba sinaqlirini qattiq eyiblidi hemde shimaliy koréyeni yadro qoralsizlinish we bashqurulidighan bomba pirogrammiliridin waz kéchishke dair konkrét qedemlerni tashlashqa chaqiriq qildi.

bayanatta, shimaliy koréyening bashqurulidighan bomba sinaqlirining rayonning bixeterliki we muqimliqigha tehdit shundaqla b d t xewpsizlik kéngishi qararlirini ayaq- asti qilghanliq ikenliki uqturuldi.

shimaliy koréyening yadro qorallirini sinash paaliyetlirining aldini élish meqsitide, amérika bilen shimaliy koréye heyetliri otturisida xizmet sewiyeside sitokholimda bashlanghan muzakierler shenbe küni toxtap qalghan idi.

muzakiridin kéyin, shimaliy koréye bash muzakirichisi kim miyonggi:l «muzakiriler kütkinimizdek bolmidi we toxtitildi» dep bayanat élan qilghan idi.

kim miyonggil amérika muzakire heyitining yumshash xaraktérlik pozitsiyede bolmastin, yene kona pozitsiye we qarashlirida ching turghanliqini bildürüp: «ular bizning ümidimizni sugha chilidi. muzakire üstilige héchnerse élip kelmey, qizghinliqimizgha su tökti» dégen idi.

amérika tashqi ishlar ministirliqi bolsa, «shimaliy koréyening ikki dölet muzakirilirining toxtighanliqini jakarlighanliqi, muzakirelerning mezmunini yaki rohini namayan qilip bermeydu» dep bayanat élan qilghan idi.

amérika tashqi ishlar ministirliqining yazma bayanatida, «amérika muzkire üstilige qoyulushi kérekliki toghrisida pikirlerni élip keldi we shimaliy koréyelik mensepdashliri bilen yaxshi muzakirilerde boldi» dégen sözlerge orun bérilgen idi.  



مۇناسىۋەتلىك خەۋەرلەر