تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

б д т хәвпсизлик кеңишиға әза 5 дөләт шималий корейәгә җиддий чақириқ елан қилди

бирләшкән дөләтләр тәшкилати хәвпсизлик кеңиши әнглийә, германийә вә фирансийәниң тәлипигә бинаән йепиқ йиғин чақирди вә шималий корейәниң балистик башқурулидиған бомба синақлирини музакириләшти.

б д т хәвпсизлик кеңишиға әза 5 дөләт шималий корейәгә җиддий чақириқ елан қилди

түркийә авази радийоси хәвири: бирләшкән дөләтләр тәшкилати хәвпсизлик кеңишигә шундақла йавропа иттипақиға әза 5 дөләт, (әнглийә, германийә, фирансийә, белгийә вә полша) шималий корейәгә җиддий чақириқ елан қилип, йадро қоралсизлиниш вә башқурулидиған бомба пирограммилиридин ваз кечишкә даир конкрет қәдәмләрни ташлиши лазимлиқини билдүрди. 

йеғиндин кейин йавропа иттипақиға әза 5 дөләт, әнглийә, германийә, фирансийә, белгийә вә полша тәрипидин елан қилинған ортақ байанатта, шималий корейәниң балистик башқурулидиған бомба синақлирини қаттиқ әйиблиди һәмдә шималий корейәни йадро қоралсизлиниш вә башқурулидиған бомба пирограммилиридин ваз кечишкә даир конкрет қәдәмләрни ташлашқа чақириқ қилди.

байанатта, шималий корейәниң башқурулидиған бомба синақлириниң районниң бихәтәрлики вә муқимлиқиға тәһдит шундақла б д т хәвпсизлик кеңиши қарарлирини айақ- асти қилғанлиқ икәнлики уқтурулди.

шималий корейәниң йадро қораллирини синаш паалийәтлириниң алдини елиш мәқситидә, америка билән шималий корейә һәйәтлири оттурисида хизмәт сәвийәсидә ситокһолимда башланған музакиәрләр шәнбә күни тохтап қалған иди.

музакиридин кейин, шималий корейә баш музакиричиси ким мийоңги:л «музакириләр күткинимиздәк болмиди вә тохтитилди» дәп байанат елан қилған иди.

ким мийоңгил америка музакирә һәйитиниң йумшаш характерлик позитсийәдә болмастин, йәнә кона позитсийә вә қарашлирида чиң турғанлиқини билдүрүп: «улар бизниң үмидимизни суға чилиди. музакирә үстилигә һечнәрсә елип кәлмәй, қизғинлиқимизға су төкти» дегән иди.

америка ташқи ишлар министирлиқи болса, «шималий корейәниң икки дөләт музакирилириниң тохтиғанлиқини җакарлиғанлиқи, музакирәләрниң мәзмунини йаки роһини намайан қилип бәрмәйду» дәп байанат елан қилған иди.

америка ташқи ишлар министирлиқиниң йазма байанатида, «америка музкирә үстилигә қойулуши керәклики тоғрисида пикирләрни елип кәлди вә шималий корейәлик мәнсәпдашлири билән йахши музакириләрдә болди» дегән сөзләргә орун берилгән иди.  



مۇناسىۋەتلىك خەۋەرلەر