«хитай армийәси хоңкоңға мудахилә қилиши мумкин»

хитайниң хоңкоң алаһидә мәмурий райони валийси кәррей лам исйанлар йәнә йаманлишиверидиған болса, хитай армийәсиниң хоңкоңда мудахилә қилиши мумкинликини ейтти.

«хитай армийәси хоңкоңға мудахилә қилиши мумкин»

түркийә авази радийоси хәвири: кәррей лам ахбарат елан қилиш йиғинида, хоңкоң һөкүмитиниң бу мәсилиләргә өзи һәл қилиш чариси тепиши керәкликини билдүрүп, хоңкоңда әһвал йаманлишиверидиған болса, хитай армийәсиниң намайишни бесиқтуруш үчүн хоңкоңға кириши мумкинликини билдүрди.

хитайниң хоңкоң алаһидә мәмурий райони валийси кәррей лам төт айдин буйан давамлишиватқан вә зорванлиқ нисбити ешиватқан намайишларниң буниңдин кейин демократийә үчүн елип берилған тинч һәрикәт һесабланмайдиғанлиқини ейтти вә дийалогниң давамлишиш тәрәпдари икәнликини уқтурди.

түнүгүн (7-өктәбир) хоңкоңдики намайишта 2 намайшичиниң маска тақашни чәкләш қануниға бойсунмиғанлиқи сәвәбидин назарәткә елинғанлиқи вә кейинчә капаләткә қойуп берилгәнлики билдүрүлгән иди. 

хоңкоң валийси кәррей лам һөкүмәтниң намайишчиларға тутидиған позитсийәни техиму қаттиқ һалға кәлтүрүп, намайшчиларниң маска тақишини рәсмий чәклигән иди.

маска тақашни чәкләш қануни елан қилиништин илгири хоңкоңда миңлиған киши маска тақап йүрүш қилған иди.

намайишчилар «маска тақашни халаймән!» вә «маска тақаш җинайәт әмәс!» дәп шоарлар товлиған иди.

хоңкоңда нурғунлиған палийәтчиләр вә парламент әзалириниң, «маска тақашни чәкләш тәтүр тәсир пәйда қилиду, һечқандақ ишқа йаримайду вә иҗра қилинишиму қийин» дәп қарайдиғанлиқи билдүрүлмәктә.


خەتكۈچ: хоңкоң , хитай

مۇناسىۋەتلىك خەۋەرلەر