grahamning p k k mesilisidiki meydanining roshen emesliki otturigha chiqti

amérika qoshma ishtatliridiki jumhuriyetchiler partiyesining palata ezasi lindséy grahamning bölgünchi térrorluq teshkilati p k k toghrisidiki qarashlirining ayding emesliki otturigha chiqti.

1283716
grahamning p k k mesilisidiki meydanining roshen emesliki otturigha chiqti

türkiye awazi radiyosi xewiri: lindséy graham, pirézidént donald trampning, türkiyening süriyening shimalida élip barghusi herbiy herikitini qollimaydighanliqi we bu rayondin eskerlirini chékindüridighanliqi toghrisidiki bayanatigha qattiq naraziliq bildürgenlerning biri boldi we bu qararning «aqilane emesliki» ni ilgiri sürdi.

y p g / p k k térrorchilirini «amérika qoshma ishtatlirining daéshni meghlup qilishigha yardem qilghan kord küchliri» dep atighan graham, téximu ilgiriligen halda, süriyening shimalida herbiy heriket élip barghan teqdirde türkiyege «émbargo» yürgüzülidighanliqini éytip tehdit saldi.

lékin lindséy graham 2015 – yili amérika dölet mejlisidiki bir yighinda öz waqtining mudapie ministiri ashton kartér bilen munaziriliship, türkiyening y p g / p k k mesilisidiki pozitsiyesining orunluq ikenlikini ilgiri sürüp küchlük ghulghula qozghighanidi.

u mezgilde, amérikining qolidiki doklatlarda p y d / y p g ning, p k k bilen alaqisining barliqining eskertilgenlikige isharet qilghan graham, kartérdin «undaqta türkiye hökümitining neziride p k k bir térrorluq teshkilati emesmu?» dep sorighan, bu soalgha kartérning «p k k peqet türkiye hökümitiningla emes, amérika qoshma ishtatliri hökümitining neziridimu bir térrorluq teshkilati» dep jawab bérishidin kéyin, «undaqta süriyede p k k bilen mushundaq yéqin hemkarliq ornitiwatqan y p g ni qorallandurghanliqimiz üchün türklerning bizdin narazi bolushi heyran qalarliqmu?» dégenidi.

u, «türkiyedin kelginimge uzun bolmidi. (amérika qoshma ishtatlirining y p g / p k k ni qorallandurushi) bu ulargha nsibeten bir mesile. ular buni dunyaning eng exmiqane pikri dep qaraydu we menmu ularning bu pikrige qoshulimen. <undaqta türkiye némishqa ghezeplendi> dégenge qiziqidighan bolsanglar, sewebi süriyede türkiye hökümiti bilen urushuwatqan bir térrorluq teshkilatini qorallanduruwatimiz» dégenlerni sözlirige ilawe qilghanidi.



مۇناسىۋەتلىك خەۋەرلەر