б д т: ирақтики намайишлар җәрйанида зораванлиқ қилмиши садир қилғучилар җавабкарлиққа тартилсун
бирләшкән дөләтләр тәшкилати (б д т) ниң ираққа йардәм бериш ишханиси, ирақтики һөкүмәткә қарши намайишларда зораванлиқ қилғучиларниң җавабкарлиққа тартилишини тәләп қилди.
түркийә авази радийоси хәвири: б д т ниң ираққа йардәм бериш ишханиси башлиқи пласчерт, пайтәхт бағдад билән җәнубтики шәһәрләрдә давамлишиватқан намайишлар тоғрисида йазма байанат елан қилди. у байанатида вәқәләрдин чоңқур қайғурғанлиқини ипадиләп, «доклатларда көрситилишичә, 5 күн ичидә адәм өлүш вә йарилиниш әһвали бар. бу (зораванлиқ) тохтиши керәк» дегән ибариләргә орун бәрди.
пласчерт байанатида, намайишларда зораванлиқ вәқәлиригә арилашқанларниң җавабкарлиқиниң сүрүштә қилиниши керәкликини тәкитлиди.
ирақниң пайтәхти бағдад вә җәнубтики шәһәрләр 1 – өктәбирдин буйан чириклик, ишсизлиқ вә дөләт аммиви хизмәтлириниң йетәрсизликигә қарши өткүзүлгән намайишларға сәһнә болмақта.
مۇناسىۋەتلىك خەۋەرلەر
русийә муавин дөләт мудапиә министири қолға елинди
русийә муавин дөләт мудапиә министири тимур иванов пара елиш җинайити билән әйиблинип қолға елинди.
гиретсийәни чــөл ـ җәзиــрә чаң – тузаңлири қаплап кәтти
гиретсийәниң пайтәхти атинани африқадин кәлгән чــөл ـ җәзиــрә чаң – тузаңлири қаплап кәтти.
